Өнөөдөр Халдашгүй байдлын дэд хороо хуралдаж УИХ-ын гишүүн Н.Алтанхуяг, Г.Амартүвшин, Х.Ганхуяг, Ё.Баатарбилэг нарын асуудлаар хэлэлцлээ. Энэ үеэр УИХ-ын гишүүн Х.Ганхуягаас тодрууллаа.
Тэрбээр хэлэхдээ: "Би өөрөө шалгуулъя гэж хүсэлт гаргасанг та бүхэн мэдэж байгаа байх. Түүнээс хойш сошиалд ч нэлээн удаан явсан. Хүн болгон үүний талаар ойлголт авахыг хүсэж байгаа байх. Би бол шалгуулаад аль нэг талдаа гарах нь зөв зүйл гэж бодож байна. Хууль хяналтын байгууллага маань үнэн зөвөөр тогтооно гэж найдаж хүндэтгэлтэй хандаж байгаа. Нэг дэх өдөр яллагдагчаар татах тогтоол буюу үргэлжлүүлэн шалгах тогтоолыг танилцуулсан байгаа. Үүн дээр тайлбараа бэлдэж байна. Тогтоол нь шинжээчийн дүгнэлтээр үндэслэж гардаг учраас дүгнэлттэй нь танилцаж байгаа. Эрүүгийн хуулийн 22.1.2 гэдэг заалт буюу “Нийтийн албан тушаалтан албан үүрэг, бүрэн эрх албан тушаалын байдлаа урвуулан ашиглаж их хэмжээний хохирол учруулан” гэдэг зүйлээр шалгаж байгаа юм. 2022 оноос өмнө ямар нэгэн албан тушаал хашиж байгаагүй, компаниас нь мэдээлэл авахаар 2024 онд дуусах гэрээтэй ч өнөөдрийн байдлаар 55 хувийн төлөлттэй буюу илүү төлөлттэй яваа. Он цагийн хувьд зөрүүтэй байгаа тул нэг талд нь гаргаж шалгах нь зөв гэж бодож байна. Тиймээс олон нийт ч их эргэлзэж байгаа учир энэ тал дээр үнэн зөв мэдээллийг хууль хяналтын байгууллагууд мэдээлэх байх. АТГ-аас дуудсан цагт нь очиж байна. Гэрчийн мэдүүлэг өгсөн. Сүүлд яллагчийг тогтоолтой танилцуулсан. Үүн дээр би тайлбараа бэлдэж байгаа" гэлээ.
Like
1
Зөв
0
0
Буруу
0
Воов
0
Уйтгартай
0
Дуртай
Энэ хүн бүүр маш их ажил хийж байгаа хүн тэгэхүү пэйжийг нь дагаад хараач хэдэн хүмүүс зохион байгуулалттай хэрэгт унагах гээд байгаан байна лээ шүү хассуурь сан гээд хүртэл сайн дурын хүмүүнлэгийн сангаараа олон эмэгтэйчүүд хүүхдүүдэд боллвсрол олгож байгаа талархаал барахгүй.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
