Барилгын салбарын шилдэг ААН, байгууллагуудын бүтээгдэхүүн, дэвшилтэт техник, технологи, хаус болон шинэ орон сууцны шилдэг төслүүдийг танилцуулдаг “BARILGA EXPO 2022” үзэсгэлэн яармаг 15 дахь жилтэйгээ учран золгож та бүхнийхээ өмнө тун удахгүй өндөр үүдээ нээх гэж байна.

Тус үзэсгэлэн яармаг нь Барилгын материал, техник технологи чиглэлээр 2022 оны 04.29-өөс 5.01-ний өдрүүдэд, Шинэ орон сууц, хаус дизайны чиглэлээр 2022 оны 05.06-08-ны өдрүүдэд “Мишээл экспо” төвд зохион байгуулагдана.

Та Барилгын материал, техник технологийн үзэсгэлэн, яармагаас барилгын салбарт хамгийн сүүлийн үед нэвтэрсэн шинэ техник, технологи, албан ёсны дистрибьютер компаниуд болон дотоодын үйлдвэрлэгч нарын бүтээгдэхүүн, барилгын материалтай танилцахын сацуу барилга, байгууламжийн суурь тавихаас эхлээд түлхүүр хүлээлгэн өгөх хүртэлх бүхий л хэрэгцээт мэдээллийг нэг дороос авах боломжтой. Түүнчлэн амины орон сууцаа барих гэж байгаа хувь хүн, иргэд барилгын зураг төсөл, төсөв, материалын сонголтын талаар мэргэжлийн зөвлөхүүдээр дамжуулан үнэгүй зөвлөгөө авах боломжийг бүрдүүлдгээрээ онцлогтой билээ.

Харин Шинэ орон сууц, хаус дизайны үзэсгэлэн, яармагаас ипотек, компанийн болон хувь лизингд хамрагдах боломжтой Улаанбаатар хотод захиалга авч буй хаус болон шинэ орон сууцны 60 орчим шилдэг төслүүдтэй танилцах төдийгүй амины орон сууцны хамгийн сүүлийн үеийн загвар дизайн, оновчтой шийдлүүдийг үзэж, энэ цаг үеийн шилдэг реалторуудаас зөвлөгөө аван үр хойчдоо өвлөгдөх үнэт хөрөнгөө сонгох боломжтой. Тавхайгаа эргэтэл тал тал тийш гүйхээр нэг өдөр ирээд л 50 төслийг харьцуулан үзэх нь таны алтан цаг болон санхүүг тань хэмнэх болно.

Үзэсгэлэнгийн өдрүүдээр хүрэлцэн ирсэн хэрэглэгчдэдээ олгодог хамгийн том бэлэг бол зохион байгуулагч болон оролцогч байгууллагуудын зүгээс онцгой хөнгөлөлт, урамшууллыг зарладаг билээ. Энэ жилийн хувьд үзэсгэлэнг үзэгчид цахим бүртгэл хийж танхим руу нэвтрэх бөгөөд бүртгэлээ баталгаажуулсан үзэгчдээс дараах шагналын азтанууд шалгарна. /Зөвхөн бүртгэлээ хийж үзэсгэлэнд хүрэлцэн ирсэн үзэгчдээс азтаныг шалгаруулна/ 

 /Энд дарж бүртгүүлнэ үү/

БҮРТГҮҮЛЭХ ЗААВАР:

• Барилга МН- HUAWEI NOVA 8I буюу 1,200,000 төгрөгийн үнэ бүхий гар утасны азтан шалгаруулна.
• Барилгачин групп - Барилгачин худалдааны төвийн 3,000,000 төгрөгийн эрхийн бичиг
• "Бэзү Технологи" ХХК- BOSSTON брэндийн 500,000 төгрөгийн 50 литрийн халуун усны бойлер
• “Номин Мишээл” ХХК- INCGO брэндийн гарын бэлэг 

Харин үзэсгэлэнд оролцогч байгууллагуудын зүгээс орон сууц, хаусны төслүүд 20-45 хувийн хямдрал, барилгын материал, тавилгын худалдаа 10-30 хувийн урамшууллыг зарлаад байна. Энэ жилийн үзэсгэлэнгийн онцлох урамшууллаас дурдвал,

• Хан Ташгай Luxury Villa хотхон хаусны үнийн дүнгийн 20% хямдрал
• Дэлгэрэх арвин өргөө ХХК 100% төлөлтөд 45 хувийн хямдрал
• "АЛТАРГАНА" ХХК ХҮЛЭГ РЕСИДЭНС ХОТХОН 30% хямдрал
• Номин Мишээл ХХК 20 хүртэлх хувийн хямдрал
• Four Season Village 10% хямдрал
• Sunny vista орон сууц 15 % хямдрал

“BARILGA EXPO 2022” үзэсгэлэн, яармагаас авах таны боломжууд үүгээр дуусахгүй. Дуслыг хураавал далай, дуулсныг хураавал эрдэм гэдэг. Тиймээс та бүхний сонорт хүргэх үнэ төлбөргүй сургалт болон семинаруудыг тодорхой хуваарийн дагуу хүргэхээр бэлтгэсэн байна. Тухайлбал, Барилгын материал, техник технологи чиглэлээр 04.29-өөс 5.01-ний өдрүүдэд

• Барилга, Хот байгуулалтын яам - “Барилгын материалын үйлдвэрлэлд баримталж буй бодлого, авч хэрэгжүүлж буй арга хэмжээ”
• Барилгын хөгжлийн төв - “Барилгын нэгдсэн мэдээллийн систем”
• Нийслэлийн хот байгуулалт хөгжлийн газар - “Хот төлөвлөлт, Төрийн үйлчилгээ”
• Барилгачин групп - “Барилгын материалын ханган нийлүүлэлтийн ач холбогдол”
• Барилга МН  - “Барилгын материалын цахим худалдааны боломжууд”

Шинэ орон сууц, хаус дизайны чиглэлээр 05.06-08-ны өдрүүдэд

• Барилга, Хот байгуулалтын яам - “Төрөөс орон сууцны талаар авч хэрэгжүүлж буй арга хэмжээ”
• Барилгын хөгжлийн төв - “Орон сууцны судалгаа мэдээлэл, эрэлт хэрэгцээ”
• BUILD SMART MONGOLIA ТББ - “Барилгын салбар дахь BIM - ийн талаар”
• Амины орон сууцны инновац хөгжлийн төв - “Амины орон сууцны чиг хандлага”
• Өөрийн байшин ТББ- “Эрчим хүчний хэмнэлттэй АОС-ны өртгийн бууруулах арга замууд”
• HOUSE.MN - “Амины орон сууцны зөвлөх үйлчилгээний байгууллага танд юуг зөвлөх вэ?”  
• “Үл хөдлөх хөрөнгө хэрхэн сонгох талаар иргэдэд зориулсан илтгэл зөвлөгөө” зэрэг олон талт мэргэжлийн мэдээлэл, илтгэлийг тавих болно.

Ташрамд дурдахад уг үзэсгэлэн яармаг давхар barilgaexpo.mn дээр цахим хэлбэрээр зохион байгуулагдах бөгөөд оролцогч байгууллагуудын цахим талбай руу зочилсноор үзэсгэлэнд танилцуулагдаж байгаа материал, техник технологи, шинэ орон сууцны төслүүдтэй танилцах, хариуцсан ажилтантай шууд холбогдох боломжтой гэдгийг дуулгахад таатай байна.

Ерөнхий ивээн тэтгэгч -  "NCD GROUP" , "БАРИЛГАЧИН ХУДАЛДААНЫ ТӨВ"

Ивээн тэтгэгч - "МОНКОН КОНСТРАКШН" ХХК , “ХАН ТӨГӨЛ” хотхон

Зохион байгуулагч: БАРИЛГА МН

Хамтран зохион байгуулагч: БХБЯ, БХТ, НХБХГазар

Дэлгэрэнгүй мэдээллийг 77113333-1, 9990-7816 утаснаас лавлана уу.

Та бүхнийг өргөнөөр хүрэлцэн ирж, барилгын салбарын хөгжил, дэвшилтэй танилцахыг урьж байна.