Улсын бүртгэлийн ерөнхий газар нь үйл ажиллагааны эрх зүйн орчныг боловсронгуй болгож, улсын бүртгэлийн хууль тогтоомжийг хэрэгжүүлнэ. Мөн Улсын бүртгэлийн нэгдсэн тогтолцоог бүрдүүлж, иргэний, хуулийн этгээдийн, эд хөрөнгийн эрхийн улсын бүртгэлийн үйлчилгээг түргэн шуурхай, чанартай үзүүлнэ. Бас болоогүй Улсын бүртгэлийн үйл ажиллагааг цахимжуулж, техник, тоног төхөөрөмж, программ хангамжийг сайжруулна гэх олон талт зорилго бүхий байгууллага юм.
Гэтэл иргэний бүртгэл мэдээлэлээс өөрийн лавлагааг авах гэтэл ТА БҮРТГЭЛГҮЙ байна гэх үзэгдэл газар авсаар.Үнийг хэн шийдэх вэ? Түгээмэл гаргаж буй иргэдийн гомдлуудаас хүргье
ЖИШЭЭ 1:
1986 онд төрсөн 36 настай нэгэн залуугийн ээж нь тэтгэвэрт гарах гэтэл Улсын бүртгэл дээр хүүхэд нь буюу уг залуу бүртгэлгүй.байсан аж.
ЖИШЭЭ 2:
Овог нэр, регистр дээр нь өөр хүн гадаад паспорт аваад Солонгост очоод харласан, жинхэнэ эзэн нь өөрөө БНСУ руу гарах боломжгүй болсон байж.
ЖИШЭЭ 3:
Хүнтэй гэрлээгүй хирнээ өөрийнх нь нэр дээр ГЭРЛЭСЭН 500.000 төгрөг авсан тохиолдлууд маш их.
ЖИШЭЭ 4:
Төрсөн он, сар, өдөр нь өөр он, сар, өдрөөр бүртгэлтэй гэх мэт тоо тоомгүй гомдлуудыг Улсын бүртгэлийн ерөнхий газарт иргэд гомдол гаргадаг. Гэтэл үүнийг олон сар, жил болсон ч шийдээгүй. Тэгэхээр удаан, сэтгэлгүй төрийн үйлчилгээтэй газар нь илхэн.
Бүр тодруулбал, бидний сайн мэдэх Тордайн Ганболд эхнэр Х.Янжингаажид нарын олон дунд гараад байгаа хувь хүний амьдрал, халуун хөнжил рүү орсон мэдээлэл олон дунд гараад байгаа ч угтаа үүний цаана Монголын гэр бүл, залуучууд, төр засаг, төрийн байгууллагуудын асуудлууд нь хөндөгдөж байна.
Тухайлбал, Т.Ганболд эхнэр Х.Янжингаажид нарын гэрлэлт дуусгавар болсон эсэх талаар Иргэний улсын бүртгэлийн газрын дарга Т.Нармандах хэлэхдээ: “Тэд 2016 онд гэрлэлтээ бүртгүүлсэн байна. Гэвч иргэн Т.Ганболд гэрлэлтээ хууль бус гэх үндэслэлээр манай байгууллагад 2021 оны аравдугаар сард гомдол гаргасан. Түүний зүгээс "Би хэзээ ч өөрийн биеэр гэрлэлт бүртгүүлж байгаагүй" гэж мэдүүлсэн. Гомдлынх нь дагуу улсын байцаагчийн дүгнэлт гарч, гэрлэлтийг хүчингүй болгосон хэмээн хэлсэн. Гэтэл ажлаа мэдэхгүй удирдлагуудын буруу мэдээллийг харсан Х.Янжингаажид гомдол гаргасан байна. Төд удалгүй УБЕГ-аас гаргасан мэдээллийг ШҮҮХ үгүйсгэж Т. Ганболд, Х.Янжингаажид нарын гэрлэлтийг хүчинтэй тооцсон байна.
Иймээс улс орон, төр засаг, төрийн байгууллагуудад иргэд нь итгэсээр, амьдарсаар. Гэтэл төрийн байгууллагууд иргэдэд хэр хүндлэлтэй хандаж байгааг энэ бүгдээс харж болно. Хэн хүний хүссэн үйлдэл, үг хэлээр иргэний бүртгэлээс бүртгэлээ устгуулж, хүссэн өдөр судраар нь өөрчилж, хүссэн үнэмлэхээр нь гадагшаа гаргаж байж болох уу? Иргэн бүхний мэдээлэл өөрөөс өөр хүн мэдэх ёсгүй атал, дуртай нэгэн нь мэддэг, өөрчилдөг ийм байхыг хэн ч хүсэхгүй биз ээ. Тиймээс Улсын бүртгэлийн газрын болчимгүй үйлдлүүдээс болж олон хүмүүс хохирч тэд нар гомдлынхоо хариуг одоо хүртэл авч чадахгүй, шийдүүлж чадахгүй сууж байгаа нь харамсалтай.
Хариуцлагагүй албадтай, сэтгэлгүй ажилчидтай энэ байгуулгаар иргэд тоглуулсаар байх уу? Үргэлжлэл бий...
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
