Төр.мн сайтын сурвалжлах баг Хөгжлийн банкны зээлтэй холбоотой хэргийн явц, гишүүдийн халдашгүй байдал хэрхэн мөрдөн шалгах ажиллагаанд нөлөөлж байгааг АТГ-аас тодруулсан. Энэ тадаар АТГ-ын мөрдөн шалгах албаны дарга Ч.Жаргалбаатартай товч ярилцлаа.
-Хөгжлийн банкны зээлтэй холбоотой хэргийн мөрдөн шалгах ажиллагаа хэрхэн явагдаж байна вэ?
-АТГ-ын мөрдөн шалгах албанаас Хөгжлийн банктай холбоотой асуудал үүссэн цаг хугацаанаас хойш 33 хэрэгт мөрдөн шалгах ажиллагааг явуулж байна. Өнөөдрийн байдлаар Хөгжлийн банкны эрх бүхий албан тушаалтнууд зээл олгох үедээ ААН-үүдэд давуу байдал олгож, хахууль авсан, зээлдэгч нар авсан зээлээ зориулалтын бусаар ашигласан, хөрөнгө мөнгийг угаасан байж болзошгүй нөхцөл байдал тогтоогдсон. Одоогоор зургаан хэрэгт мөрдөн шалгах ажиллагааг явуулж, 42 албан тушаалтанд эрүүгийн хэрэг үүсгэж яллагдагчаар татсан. Мөрдөн шалгах ажиллагааны явцад улс төрд нөлөө бүхий халдашгүй байдал нь хуулиар тогтоогдсон албан тушаалтан холбогдсон. Энэ гэмт хэргийг нийгмийн хор аюулыг ойлгох ёстой. Ингэхдээ 2.3 их наяд төгрөгийн бодит хохирол бүхий зээл зүй бусаар олгогдсон хэрэгт шалгалтын ажиллагаа явуулж, 167 тэрбум төгрөгийн зээлийг эргэн төлүүлж, 30 ААН-ийн эд хөрөнгийг битүүмжилсэн. Одоогийн байдлаар 12 хүнийг цагдан хориод байна. Мөрдөн шалгах ажиллагааны явцад 18 хүнийг цагдан хорьж, 8 хүнийг хойшлуулшгүйгээр баривчилсан байгаа.
-Хөгжлийн банкны зээлд холбогдсон нэр бүхий 4 гишүүний бүрэн эрхийг түдгэлзүүлэх прокурорын саналын УИХ-ын чуулганаар хэлэлцээд гишүүдээ "аваад" үлдлээ. Энэ нь тус хэргийн мөрдөн шалгах ажиллагаанд ямар хүндрэл бэрхшээл үүсгэх вэ?
-Халдашгүй бүрэн эрхтэй хүмүүст холбогдох хэрэгт мөрдөн шалгах ажиллагааг явуулахад саад учрахгүй байна гэсэн зүйл бараг үгүй. Практикас харахад гэрчүүдэд нөлөөлөхөөс авхуулаад эрх нөлөө нь байдаг. Сүүлийн жилүүдийн практикийг харахад бүрэн эрхийг нь түдгэлзүүлэх дургүй байдаг. Түдгэлзүүлэхгүй байгаа шалтгаан нь өөрөө халдашгүй байдлаар халхавчилж, халдашгүй байдал тогтоосон газруудад нотлох баримт зөөвөрлөгддөг, хадгалагддаг учраас мөрдөн шалгах ажиллагааг явуулах шаардлагатай болно. Халдашгүй байдал тогтоосон газар тул нэвтэрч болохгүй байгаа юм. Энэ байдлаас мөрдөн шалгах ажиллагаа дутуу хийгдсэнээс хэргийг прокурор, шүүхэд шилжүүлэх эл хэргийг буцаах үндэс болдог. Хэрэг удааширдаг шалтгаан нь энэ. Халдашгүй байдлаар асуудалд хандаж байгаа нь буруу.
АТГ-аас нотлох баримтуудыг цуглуулж, эрүүгийн хэрэг үүсгэж яллагдагчаар татах үндэслэлтэй байна гэх саналыг прокурорт хүргүүлж, прокуророос хуулийн дагуу тогтоолоо гаргаж байгаа.
Энэ дагуу тухайн хэргийг шийдвэрлэхэд халдашгүй байдалтай холбоотой асуудлууд үүсч байгаа тул бүрэн эрхийг түдгэлзүүлэх хүсэлтийг УИХ-д хүргүүлж байгаа хэрэг. Халдашгүй байдал шударга ёсыг алдагдуулж болохгүй. Хүн бүр шүүхийн өмнө эрх тэгш байх нөхцлийг үгүй хийж байгаа халдашгүй байдлыг хуулиас халдаггүй юмаа гэхэд мөрдөн шалгах ажиллагаа явуулсан, зарим гишүүд өөрсдөө түдгэлзээд шалгуулъя гэж байхад бүрэн эрхийг нь түдгэлзүүлэхгүй байгаа нь шударга ёсыг алдагдуулж байна. Шударга ёсонд харш халдашгүй байдал гэж байх ёсгүй.
-Ярилцсанд баярлалаа.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
