Манай улсын хөдөө орон нутагт амьдардаг хүүхэд, залуучуудад дутагдаж байгаа зүйлсийн нэг бол чанартай боловсрол, тогтвортой ажлын байр билээ. Хүүхэд, залуус орон нутагтаа үлдэж ажиллах, бизнес эрхлэх хүсэл эрмэлзэлтэй боловч тэдэнд өнөөгийн хөдөлмөрийн зах зээлд өрсөлдөх хувь хүний ур чадварууд, энтрепренершип сэтгэлгээ, бүтээлч хандлага дутагдалтай байна. Энэ хэрэгцээ шаардлагад үндэслэн Хүүхдийг Ивээх Сан, Боловсрол Шинжлэх Ухааны Яамтай хамтран “Орон нутгийн өсвөр үеийнхэнд хувь хүний ур чадвар, энтрепренершип боловсрол олгох нь” төслийг Японы Нийгмийн Хөгжлийн Сангийн буцалтгүй тусламж, Дэлхийн банкны менежментээр Ховд, Завхан, Өвөрхангай, Говьсүмбэр, Сүхбаатар аймгийн 25 суманд хэрэгжүүлж, өсвөр үеийн 6,000 хүүхэд, залуусыг ирээдүйн хөдөлмөрийн зах зээлд бэлдэхээр зорьж байгаа юм.
“Харилцан суръя-Хамтдаа бүтээе” уриа бүхий үндэсний семинарын үеэр талууд төслийн хэрэгжилтийн явц, дунд хугацааны үр дүнг танилцуулах
юм. Түүнчлэн, цаашид төслийн тогтвортой байдлыг хангах, үндэсний бодлого, хөтөлбөрүүдтэй уялдуулах боломжийг эрэлхийлж байна.
Төслийн хэрэгжилтийн дунд шатанд төслийн зүгээс орон нутгийн хүүхэд, залуучуудын онцлог хэрэгцээнд тохирсон И Эс Эл (ESEL) сургалтын хөтөлбөрийг боловсруулж, зорилтот сумдын ерөнхий боловсролын сургууль болон насан туршийн боловсролын төвд суралцдаг 1ё, залуучуудыг сургажээ. Мөн И Эс Эл хөтөлбөрт хамрагдаж, энтрепренер болон өсөлтийн сэтгэлгээгээ хөгжүүлж, багаар ажиллах, санхүү, бизнес төлөвлөлт, дижитал мэдлэг, хувь хүний ур чадвараа нэмэгдүүлсэн хүүхэд, залуучуудад мэдлэг, чадвараа бодит амьдрал дээр хэрэгжүүлэн туршиж үзэх боломжийг олгох зорилгоор бичил төслийн тэтгэлгийн уралдаан зохион байгууллаа.
Иргэдийн дунд “Сумын шарк танк” гэж эчнээ танигдсан энэхүү уралдаанд 692 хүүхэд залуучууд баг болон оролцсоноос шалгуураа хангасан 57 бичил төсөл санхүүжилт авч, орон нутагтаа амжилттай хэрэгжиж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
