Монгол улсад амьдарч буй иргэн та бидний мэдээлэл Улсын бүртгэлийн ерөнхий газарт хадгалагдаж байдаг. Гэтэл уг байгууллага нь хувь хүн, албан байгууллагын мэдээллийг чанд хадгалж, иргэддээ чирэгдэлгүй түргэн шуурхай үйлчлэх зорилгоо аль хэдийнээ мартаж иргэдийн хувийн мэдээллийг алдсан, үйлчлүүлэгчдээ үл тоох үзэгдэл сүүлийн үед газар авсаар байна..
Тухайлбал, тухайн хүний овог нэр, регистр дээр нь гадаад паспорт аваад гадагшаа гараад харласан, жинхэнэ эзэн нь гадагшаа гарах боломжгүй болсон. Мөн гэрлээгүй атал ГЭРЛЭСЭН 500.000 төгрөг авсан гэх тохиолдлууд ч маш их байдаг. Цаашилбал төрсөн он, сар, өдөр нь өөр он, сар, өдрөөр бүртгэлтэй ч байдаг.
Ийм маягаар үл хүндэтгэсэн олон зөрчил гарсаар байхад тус байгууллагад ямар нэгэн хариуцлага үүрүүлдэггүй хачирхалтай. Тодруулбал уг байгууллагыг ахалж байгаа дарга хэвийн үзэгдэл мэт хүлээж аваад олон жил болж байна. Монгол Улсын Засгийн Газрын хуралдаанаар УБЕГ-ын даргын хариуцлагатай албанд 2020 оны 08-р сарын 05-ны өдөр Л.Дэлгэрсайханыг томилсон. Гэтэл тус байгууллагад ажилгүй албад, ажлаа мэддэггүй хурган дарга нараас болж иргэдийн мэдээлэл алдагдаад байгаа тэрээр огт мэддэггүй бололтой. Аргагүй дээ.
Ковидын хууль ашиглаж агентлагийн даргаар ШАЛГАЛТГҮЙ томилогдсон 17 даргын нэгээр нэрлэгдэж байсан тэрээр ажлаа яаж мэдэхэв.
Бүхэл бүтэн хүний хувийн нууцад халдаж, мэдээлэл нь өөр хүний нэрээр гарч байхад тэд тоодоггүй гайхалтай. За бас болоогүй энгийн өдрүүдэд иргэдийн бүртгэл, хаягжилт хаана байх нь сонин биш байсан бол сонгууль дөхөөд ирэхээр иргэний бүртгэлын газар нь идэвхтэй ажиллаж, иргэдийн бүртгэл оршин суугаа хаягжилт үлгэрийн мэт өөрчлөгддөгийг та бүхэн мэднэ. Сонгууль өгч буй иргэн хурууны хээгээ уншуулахад дэлгэцэн дээр өөр хүний зураг гарч ирдэг тохиолдлууд ч байдаг. Нэг талаасаа таныг мэдээгүй байхад мэдээллийг тохируулж сонгууль өгсөн байхыг бид үгүйсгэхгүй.
.jpg)
Гэтэл иргэд бид төр засаг, төрийн байгууллагуудад итгэсээр, амьдарсаар л.
Хэн хүний хүссэн үйлдэл, үг хэлээр иргэний бүртгэлээс мэдээллээ устгуулж, хүссэн өдөр төрсөн он сар өдрийг өөрчилж, хүссэн үнэмлэхээр нь гадагшаа гаргасаар байх уу? Улсын бүртгэлийн газрын болчимгүй үйлдлүүдээс болж олон хүмүүс хохироос байх үү? Л.Дэлгэрсайхан даргаа...
Иймд хаалттай, хаалтгүй, чанартай, чанаргүй томилгооноос болж төрийн үйлчилгээ дампуурч, түмэн олон хохирсоор байна. Ийм маягаар “Ажлаа мэддэггүй ажилчидтай, албаа мэдэхгүй даргатай УБЕГ-аар иргэд тоглуулсаар байх уу? Олон хүмүүсийн хувийн мэдээлэл алдагдаж байхад томилсон дарга нар үл тоож байх нь хэвийн үзэгэл боллоо.
Төрийн албан хаагчдын данхгар тогтолцоог халж ажлаа мэдэхгүй даргыг ажлаас нь чөлөөлөхийг хүсэж бана.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
