ЗТХЯ-ны Авто замын газрын орлогч дарга, Зам тээврийн яамны газрын даргаар ажиллаж байсан Р.Ононг улсад учруулсан 644 сая 955 мянган төгрөгийн хохирлыг нөхөн төлөх шийдвэрийг Дээд шүүхээс гаргалаа. Хөрөнгө орлогын мэдүүлэгтээ бусад бизнесийн орлогогүй хэмээн дурдсан боловч хөрөнгө нь огцом нэмэгдсэн байна.
Хан-Уул дүүрэгт “Ривер гарден” хотхонд дөрвөн өрөө байр худалдан авч, Баянзүрх дүүргийн нутаг дахь “Кристалл таун” хотхонд аавынхаа нэр дээр гурван өрөө байр, 2015 онд “Таван богд” компаниас 150 сая төгрөгөөр худалдан авсан “Ланд круйзер-200” автомашиныхаа хөрөнгийн эх үүсвэрийг тайлбарлаж чадаагүй, нотлоогүй байна.
АТГ-аас түүнийг баривчилж, Эрүүгийн хуулийн 270 дугаар зүйлийн 270.2-т зааснаар яллагдагчаар татсан ч хэргийн хөөн хэлэлцэх хугацаа дууссан гэх шалтгаанаар хаагдсан байдаг. Ингээд Улсын Ерөнхий прокурорын газраас иргэний хэргийн шүүхэд улсад учруулсан хохирлыг нөхөн төлүүлэх хүсэлт гаргаснаар дээд шүүх ийн шийдвэр гаргажээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
