Өнөөдрийн Засгийн газрын ээлжит хуралдаанаас гарсан шийдвэрийг танилцуулах үеэр Уул Уурхай, Хүнд Үйлдвэрийн сайд Г.Ёндон Петрочайна Дачин Тамсаг компани болон Бүтээгдэхүүн хуваах гэрээний талаар мэдээлэл өглөө.
Газрын тосны олборлолт 2012 оноос эхэлсэн бөгөөд хамгийн өндөр жилдээ 1.1 сая тонныг олборлож, экспортод гаргасан байдаг. Орд ашиглах төлөвлөгөөний дагуу жилд 1.5 сая тонн газрын тосыг олборлох төлөвлөгөөтэй. Гэвч сүүлийн үед энэ тоо багасаж байгаа нь асуудал болоод байна гэж салбарын сайд нь хэллээ. Түүнчлэн "Газрын тос боловсруулах үйлдвэрийг барихдаа тухайн үед хүчин чадлыг нь Петрочайна Дачин Тамсаг компанийн орд ашиглах төлөвлөгөөтэй уялдуулж, 1.5 сая тонныг жилд гаргана гэж тооцсон. Петрочайна Дачин Тамсаг компанийн хувьд бүтээгдэхүүн хуваах гэрээний дагуу үйл ажиллагаагаа явуулж байна. Нэгэнт гэрээ хийхээр ширээний хоёр талд суух гэж байгаа учир БНХАУ-ын талын байр суурийг ойлгох ёстой. Газрын тос боловсруулах үйлдвэр удахгүй ашиглалтад орох гэж байгаа тул өнөөдрөөс үе шаттайгаар Петрочайна Дачин Тамсаг компанийн олборлолтын хүчин чадлыг нэмэгдүүлэх, орд ашиглах гэрээг баримтлах, газрын тосны нөөц илрэх боломжтой газар нутагт хайгуул олборлолтын ажлыг явуулахад дэмжиж ажиллах асуудлыг ярина" гэсэн юм. Яг одоо байнгын хорооны хуралдаанаар бүтээгдэхүүн хувааг гэрээний асуудлыг хэлэлцэж буй бөгөөд УИХ-ын гишүүн Сэргэлэн хаалттай хуралдах ёстой гэсэн санал гарснаар асуудлыг хаалттай хэлэлцэж байна.
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
