2022 оны төсвийг тодотгож, анх удаагаа Төрийн хэмнэлтийн тухай хуулийг баталсан. Энэ хуулиар УИХ болон Засгийн газрын харьяа агентлагууд, төрийн өмчит үйлдвэрийн газруудын дэд дарга, орлогч дарга нарыг цомхотгож байгаа юм. Түүнчлэн Нийслэлийн Засаг дарга хоёр хүртэл, аймаг, дүүрэг, сумын Засаг дарга нэгээс илүү орлогч даргатай байх, Засгийн газрын агентлагийн дарга, төрийн болон орон нутгийн өмчит хуулийн этгээдэд зөвлөх чиг үүрэг бүхий орон тооны этгээд ажиллуулахыг хуулиар хориглов.
Ингэж барагтаа ажил хийдэггүй ч дарга сэтэртэй суудаг орлогч, дэд дарга нарыг цомхотговол 200 орчим хүнээр орон тоо буурах тоог Сангийн яамнаас танилцуулж байсан юм.
Хууль батлагдаад сар орчим болж байна. Гэтэл агентлагууд, төрийн өмчит үйлдвэрийн газруудын дэд дарга, орлогч дарга нарыг одоо болтол бүрэн чөлөөлөөгүй байна. Түүнчлэн энэ хугацаанд чөлөөлөгдөх дэд, орлогч, дарга нар “НАЙРАА” хийж, “ХОР” хутгаж буй аж. Ажилгүй болох гэж буй хурган дарга нар агентлагууд болон төрийн өмчит үйлдвэрийн газруудад бүтцийн өөрчлөлт хийж өөртөө ажлын байр гаргах тухай ч асуудал яригдаж эхэлсэн бололтой.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
