Сардаа нэг шахуу харилцагчаа бухимдуулдаг ХААН БАНК банкныхаа үйлчилгээг сайжруулах гэж байгаад “нүдийг нь сохлов”. Хаан банкны аппликэйшн шинэчлэгдсэн цагаасаа хойш иргэдийн бухимдлыг төрүүлж, ёстой нэг “үйлийг” нь үзэх шиг болсон. Гэтэл системийн саатал, доголдол сар бүр гарч хэдэн сая харилцагчдад чирэгдэл учруулж байна. Эхэндээ хүмүүс ресторан, дэлгүүр, такси, худалдааны төвд барьцаанд орсноо тоглоом болгож наргиж байсан бол сүүлдээ улирал тутам ийм асуудал гардаг боллоо.
Хаан банкны картын систем, цахим сувгууд болон мобайл банк тодорхойгүй саатлын улмаас нэг хэсэгтээ саатдаг. Шинэ жил, цагаан сарын баярын өдрүүд дөхөхтэй зэрэгцэн банкны систем иргэдийн худалдан авалтын гүйлгээний ачааллыг дийлэхгүй сүлжээ унаж, гацдаг.
Найдваргүй бас баталгаагүй. Үүнээс болж олон иргэд хохирч үлдэж байхад Хаанбанк нэг ч удаа хариуцлага хүлээсэнгүй, басхүү үйлчилгээгээ ч сайжруулсангүй, найдвартай байдлаа хангаж чадсангүй.
Гэтэл Харилцагчаа “БАРЬЦААНД” оруулсан ХААН БАНК шилдэг болж ТОП-5 банкны нэгээр тодорсон аж. ААН-ийн тухайн жилийн орлого, улсын төсөвт оруулсан татвар, ашиг, хөрөнгийн хэмжээ зэрэг үзүүлэлтээр “ТОП”-ийг тодруулдаг. Аргагүй иргэд, төрийн, байгууллагуудын бүх мөнгө Хаанбанкаар дамжиж байгаа учир тэд ашигтай ажиллана, татвар төлнө, тэр хэмжээгээр хөрөнгөжнө. Гэхдээ үйлчилгээний хүртээмж, чанараар л лав ХААН БАНК шилдэг болж чадахгүй гэдгийг харилцагчид бухимдалтайгаар илэрхийлж байна.
Харилцагчид нь ингэж хохирч, бухимдаж байхад Хаан банкны гүйцэтгэх захирал Р.Мөнхтуяа хатагтай “БАХДАЛТАЙГААР” зургаа татуулж, шилдэгээ тэмдэглэж байх аж.
Р.Мөнхтуяа захиралаа Хаан банк үнэхээр шилдэг бол харилцагч, үйлчлүүлэгч нар чинь юунд бухимдана вэ?
Төр.мн
Like
1
Зөв
1
1
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
