Сүүлийн үед олны хайр хүндэтгэлийг хүлээгээд байгаа C#ART Band шинэ залуу хамтлаг нь уран бүтээлүүдээ туурвин арвин их ажилтай явна. Тодруулбал, тус хамтлаг хавар цаг болж сургуулиа төгсөж буй оюутан залуустаа зориулж “Зүрхэн хэлтэй хонх” дуу гаргажээ. Уг дуу олны сонорт аль хэдийнээ хүрч оюутан залуусын сэтгэлд хоногшжээ.
Тус хамтлаг нь 2019 онд үүсгэн байгуулагдсан бөгөөд аль хэдийнээ рок, попынхны хайр хүндэтгэл магтаал саашаалыг зэрэг хүртээд авсан чадварлаг залуусын нэгдэл юм. Тодруулбал, C#ART Band хамтлагийн ахлагч Дуучин О. Бат-Эрдэнэ нь 2005 оноос дуу дуулж эхэлсэн бөгөөд дуучин болох гараагаа 2015 онд эхэлж байсан түүхтэй. Мөн VOICE MONGOLIA шоунд маш амжилттай оролцсон гэдгээр нь ч хүмүүс андахгүй биз ээ.
Тус хамтлагийн басс гетарчин Н.Сүхням, бөмбөрчин Ч. Оюунболд, гоцлол гетарчин Б.Эрдэнэсайхан нар нь мөн л урлагт олон жил зүтгэсэн арвин туршлагатай залуус юм. Одоо тэд хамтдаа 3 жилийг ардаа үлдээжээ.
C#ART Band хамтлагийнхандаа бүгдэд нь урлагийн өндөр амжилт хүсье.