Хөгжлийн банкны зээл, өрийн асуудал өнөөдөр яригдаж байгаа ч сэдэв биш. Өмнө нь эл асуудал хурцаар яригдаж, чанаргүй зээлдэгч нарыг олон нийтэд ил болгож, их хурлаас ажлын хэсэг ч гарч, аудит ч орсон байдаг. Гагцхүү энэ хэргийн цаана улс төрчид байгаа учир тэд НУУХЫГ оролдож ирсэн нь учиртай.
Гэтэл хагас жилийн өмнө гэнэт нэгэн залуу “БААТАР”-ын дүрээр гарч ирсэн нь одоогийн Хөгжлийн банкны гүйцэтгэх захирал Н.Мандуул юм. Хөгжлийн банкны зээлдэгч нарыг зарлаж, тэд л Хөгжлийн банкийг дампууруулж, төсвийн мөнгийг ЗАЛГИЛАА гэж “хашхирав”. Үнэндээ эрхэм захирал Н.Мандуул нь шударгатайдаа ингэж дуугараагүй юм.
Улс төрчдийн захиалга, бие биенээ намнах гэсэн тулаанд “ХУРГАН ДАРГА” М.Мандуулыг урдаа барьсан нь энэ. Басхүү нэр бүхий хэвлэлийг “хөлслөн” “ТУЛААНАА” өндөрт авахуулав. Өнөөдөр Хөгжлийн банкийг аварч буй аврагч дүртэй Н.Мандуул “Галтай газар орсон ч ухрахгүй, эхлүүлсэн ажлынхаа эцсийг үзнэ” гэж хэлжээ. Бас улс төрч ах нар шиг аа ПОП нөхөр аж.
Тэгвэл ингэж дүр исгэх болсон залуу захирал Н.Мандуул гэж хэн бэ?
Хэний “ХАЛААСНЫ ХҮН” бэ?
Н.Мандуул нь
2007-2008 Дэлхийн банкны Засаглалыг дэмжих төслийн дотоодын зөвлөх
2008-2012 Сангийн яамны Төсвийн бодлогын газарт мэргэжилтэн, хэлтсийн дарга
2013-2014 IHS, Consulting group, АНУ, Санхүүгийн шинжээч
2014-2018 Сангийн яамны Санхүүгийн бодлогын газарт хэлтсийн дарга
2019-2020 “Эрдэнэс Тавантолгой Майнинг” ХХК-ийн Тэргүүн дэд захирал,
2020-2021 “Эрдэнэс Монгол” ХХК-ийн Дэд бүтэц хариуцсан захирал,
2021- оноос Сангийн яамны Санхүүгийн бодлогын газрын даргаар тус тус ажилласан.
2021 оны наймдугаар сарын 3-ны өдөр Хөгжлийн банкны гүйцэтгэх захирлаар томилогдсон.
Ажилласан байдлыг нь харвал улс төрийн томилгоогоор нэлээн “ДЭЭШ” шидэгджээ. Түүнийг “Эрдэнэс Монгол” ХХК-ийн Дэд бүтэц хариуцсан захирлаар томилогдоход УИХ-ын гишүүн асан Д.Хаянхярваагийн нөлөө, шахаа их орсон ч гэдэг. Удалгүй Д.Хаянхярваа авилгын хэрэгт холбогдсон үеэс тэрбээр бууриа сэлгэж Сангийн яамны Санхүүгийн бодлогын газрын даргаар ажилласан байдаг.
Тэгвэл Албан тушаал, даргын одтой энэ залууг хэн “ЧИРЧ” явдаг вэ?
Сүүлийн 3 жил буюу 2019 оноос хойш Н.Мандуул нь тогтвортой ажиллаагүй бөгөөд тухайн албан тушаалдаа нэг ч жил хүрэхгүй хугацаанд ажиллаад ажлаа сольжээ. Энэ удаад Хөгжлийн банкны гүйцэтгэх захирлаар томилогдоход Сангийн сайд Б.Жавхлангийн нөлөө их байсан. Тэрбээр өөрийн хүнээ Хөгжлийн банкыг удирдуулж, зээлийн асуудлыг хөндүүлдэг нь Засгийн газрын оролцоо байхыг үгүйсгэхгүй юм.
Сангийн сайд Б.Жавхлан нэлээн гүйж байж Н.Мандуулыг Хөгжлийн банкны захирлаар тавиулсан гэх яриа ч бий. Одоо баттай артай учир Хөгжлийн банкны зээлийн асуудлаар Н.Мандуул олны анхаарал орох гэж ихэд хичээж буй. Бас тун ч “ДОДЬГОР”, хэт “ПЭЭДГЭР” болсон гэж хамтран ажиллагсад дуу алдаж сууна.
Улс төр хатуу. Ах нар залуусыг урдаа барьж, нүүр хийдэг. Эцэстээ тэд л шоронгийн хаалга татаж, хамаг ялыг нь үүрдэг олон жишээ ч бий. Түүний нэг нь залуу захирал Н.Мандуул болох юм биш биз? Хэт ПОПРОХ гээд хэрэгт унав аа!
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
