Монголын Зохиолчдын Эвлэлийн Говь-Алтай аймаг дахь салбар Хантайшир уран бүтээлийн нэгдлээс анх удаагаа Говь-Алтайн зохиолчдын анхдугаар чуулга уулзалтыг /2022.05.20/ зохион байгууллаа. Нэрт соён гэгээрүүлэгч, орчуулагч, зохиолч, яруу найрагч М.Цэдэндоржийн мэндэлсний 90 жилийн ойн хүрээнд зохион байгуулагдаж буй тус арга хэмжээнд 120 гаруй зохиолчид мэргэд, сэтгүүлч, яруу найрагчид хуран чууллаа.
Өндөр Их Алтайн зохиолч, яруу найрагч Монголдоо төдийгүй дэлхий дахинаа алдартай. Шилдэг бүтээл зохиол Говь-Алтайгаар тамгалагддаг билээ.
Тэгвэл анх удаагаа Говь-Алтайн гаралтай уугуул, суугуул зохиолчид ийнхүү чуулж Монголын орчин үеийн утга зохиолын ноён оргил болсон зохиол бүтээлүүдийг туурвисан ахмад үеэрээ бахархаж, ачааны хүндийг үүрч яваа дунд үеийнхэндээ талархаж, шинэ залуу үеэ бүхий л талаар дэмжих бодлогыг тасралт үгүй чанад баримталж, гурван үеийн алтан хэлхээг бэхжүүлэх тухай ярилцсан юм.
Хантайшир уран бүтээлийн нэгдэл нь цаашдын үйл ажиллагаагаа шинэ түвшинд гаргах, шинэ үзэл баримтлал, зорилго зорилтыг тодорхойлж, хийх ажил, хэрэгжүүлэх арга хэмжээгээ нутгийн зохиолч, уран бүтээлчдэдээ танилцуулж, зохиолчдынхоо мэдээллийн дэлгэрэнгүй санг бүрдүүлэх, уран бүтээлийн анатлоги, шилдэг бүтээлүүдийн эмхэтгэл гаргах замаар Говь-Алтай зохиолчдын номын санг буй болгох ажлыг эхлүүлэхээр боллоо.
Түүнчлэн Төрөлх нутгаасаа төрсөн авьяас билэгт зохиолчдынхоо өв санг бүрдүүлэх, оюуны өмч, зохиогчийн эрхийг дээдлэх, шилдэг бүтээл туурвихад төрийн болон төрийн бус байгууллагуудтай хамтран ажиллах бололцоог бүрэн дүүрэн ашиглах, уран зохиолд элэг сэтгэлтэй бизнесмен, ивээн тэтгэгчдийн эгнээг өргөтгөж алдаршуулах замаар төрөлх нутгийнхаа түүх, уугуул нутаг ус, өвөг дээдэс, өнөө үеийнхээ бахархлыг мөнхлөхөд уран бүтээлээ чиглүүлнэ.
Монгол болон дэлхий даяар тархан суугаа Алтай зохиолчдыг нэгтгэх, төрөлх нутгаараа бахархах бахархлыг дээдлэх, бие биеэ халуун сэтгэлээр дэмжих уран бүтээлийн дэмжлэгийг бодитой болгоход үйл ажиллагаагаа чиглүүлнэ хэмээн ГАА-ийн Хантайшир нэгдлийн дэд тэргүүн, яруу найрагч Б.Эрдэнэ-Очир илэрхийлж байлаа.
.jpg)
Ийнхүү Унаган нутаг, уг гарвал нэг Говь-Алтайн гурван үеийн зохиолчид анх удаагаа чууллаа.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
