Нэгдсэн Орос намын гишүүн Олег Морозов өнгөрсөн Даваа гаригт төрийн телевизийн сувгаар гарч байхдаа, "NATO"-гийн батлан хамагаалахын сайд нарыг Украинаас барьцаалж, Москвад авчран байцаах тухай ярьжээ. Ингэснээр Умард Атлантын цэргийн эвсэл буюу "NATO"-гийн Киев дэх дайнд өгч буй "тушаалуудыг" мэдэж авна гэж олон жил төрийн Думд ажилласан Олег Морозов ярьсан аж.
Олег Морозов сэтгүүлчтэй ярилцах үеэр "Магадгүй бодит бус төсөөлөл байж болно. Гэхдээ "NATO"-гийн дайны сайд нар ойрын үед, ямар нэгэн байдлаар Киевт Украины ерөнхийлөгчтэй уулзахаар очно. Тэнд биш юм аа гэхэд Москвад ирнэ гэж би бодож байна" гэжээ. Түүнээс сэтгүүлч "Бид тэднийг барьцаална гэх гээд байна уу" гэхэд Олег "Тэгвэл бид хэн, ямар тушаал өгч байгааг мэдэх боломжтой шүү дээ. Энэ тийм ч бүтэхгүй зураглал биш. Одоо дэлхийд шинэ дүрэм үйлчилж байгаа. "NATO"-гийн дайны сайд нар Киевт цуглаад дараа нь Москвад сэрж болно шүү дээ" гэсэн байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
