Муудсан, өмхийрсөн, химийн хортой бодис хольсон махыг хэзээнээс эхэлж зах зээлд нийлүүлж, хэзээнээс эхэлж Монголчууд идсэнийг таашгүй. Энэ бол Монгол хүн үхэх, Монгол үндэстэн мөхөхийн нэр.
Өнөөдөр шадар сайд С.Амарсайхан, Хүнс, хөдөө аж ахуй, хөнгөн үйлдвэрийн сайд З.Мэндсайхан, Мэргэжлийн хяналтын ерөнхий газрын дарга Б.Баасандорж нар Эмээлтийн махны үйлдвэр, муудсан өмхийрсөн махны асуудлаар мэдээлэл хийлээ.
Энэ мэдээллээс дүгнэхэд Эмээлтийн махны үйлдвэрийн зарим нь муудсан өмхийрсөн мах бэлтгэн нийлүүлж байсныг тэд мэдэж байж. Бүр зах зээлд нийлүүлээгүй, гадагшаа гаргадаг гэж хэлж байх юм. Аль эрт л энэ асуудал яригдаж, хөндөгдсөн байхад тэд юу ч хийгээгүйгээ өнөөдөр хэллээ.
Энэ бол Шадар сайд С.Амарсайханы харьяаны асуудал. Мэргэжлийн хяналтын ерөнхий газар нь ийм л байдалтай байхад өнөөдрийг хүртэл дорвитой арга хэмжээ аваагүй атлаа хурал хийж АЖИЛ ХИЙДЭГ МЭТ дүр эсгэх жишээний.
Түүнчлэн мэргэжлийн хяналтын дарга нь хүртэл дур мэдэн лацадсан агуулахыг онгойлгон МАХ ЧАНАЖ ИДЭЭД хамт сууж байх болно гэж үү?
Үндэсний аюулгүй байдалд нөлөөлөхүйц ийм хурц асуудал хөндөгдчихөөд байхад дарга нэртэй сэтэрнүүд ТАЙЛБАР хийгээд сууж байна. Энэ зуур хичнээн Монгол хүн хор идэж, хичнээн хүүхэд хорт хавдраар өвчлөж байгаа бол.
С.Амарсайхан, Б.Баасандорж нараа та нар ТАЙЛБАР хэлж, арьсаа хамгаалж суугаадаа ичихгүй байна уу?
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
