2020 оны арваннэгдүгээр сарын 11-ний өдөр Монгол улсад коронавирусийн дотоодын анхны халдвар бүртгэгдсэн. Тэгвэл цахим орчинд 10 сард алдсан гэдэг бичлэг тараад байсан билээ. БНСУ-аас эх орондоо тусгай үүргийн нислэгээр ирээд Энхсаран сувилалд 21 хоног тусгаарлагдаад 22 дахь хоног дээрээ халдвар авсан иргэн Д.Мөнхбат тус сувилалд халдвар хамгааллын дэглэм баримтлахгүй, өрөөнүүдээр хүмүүс чөлөөтэй сэлгүүцэж, нэг өрөөнд 4-5 хүн тусгаарласан, нэг шүршүүрт усанд ордог байсан талаар өөрийн цахим хуудсаараа лайв хийж мэдээлсэн. Түүнд тусгаарлах байранд хулганаар дамжиж коронавирус тархсан гэх худал мэдээлэл түгээсэн тул Зөрчлийн хуулийн 5.13.1 дэх хэсэгт заасны дагуу Зөрчлийн хэрэг нээсэн. Цагдаагийн газраас уг хэргийн талаар “Иргэн өөрийн үзэл бодлоор хандаж болох ч үүнийг гамшгийн үед худал мэдээлэл тараасан гэж үзнэ” гэж тайлбарласан. Мөн Д.Мөнхбатад Хан-Уул дүүргийн прокуророос яллах дүгнэлт үйлдэж, шүүхэд шилжүүлжээ. Эрүүгийн хуулийн 15.6 дугаар зүйлийн 1 дэх хэсэгт зааснаар бусдын амь нас, эрүүл мэндэд аюул учруулж болзошгүй халдварт өвчний үед эрх бүхий байгууллагаас тогтоосон хорио цээр, хязгаарлалтын дэглэм холбогдох бусад журам заавар, шаардлагыг зориуд санаатайгаар зөрчиж, халдварт өвчин тархах нөхцөл бүрдүүлсэн гэх үндэслэлээр шалгаж байгаа юм байна. Иргэн Д.Мөнхбатын хэлж байгаагаар түүнийг иргэдийг турхирч, үймүүлж, бусдад халдвар тархах эрсдэл үүсгэсэн гэж үзэж байгаа юм билээ. Миний эсрэг мэдүүлэг гаргасан хүмүүс нь эрүүл мэндийн салбарыг гутаан доромжилсон гэж үзсэн. Энхсаран сувиллын удирдлага, ХӨСҮТ-ийн Тандалт, судалгааны албаны дарга асан Б.Амбасэлмаа нар миний эсрэг мэдүүлэг өгсөн байна лээ гэжээ. Түүний хувьд БНСУ-аас эрүүл ирсэн ч тусгаарлах байрнаас халдвар авч, нэг сар гаруйн хугацаанд эмчлүүлсэн. Эмнэлгээс гарснаас хойш дээрх асуудлаар хууль хяналтын байгууллагад шалгуулж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
