Хилээр хориотой бүтээгдэхүүн оруулж ирсэн, зөвшөөрөлгүй эм оруулсан, муудсан тахиа оруулж ирсэн, их хэмжээний алт, бурхан гадагшаа гарчээ зэрэг олон хэрэг, үйлдэл гардаг. Энэ бүгдийг хянаж шалгаж, аюулгүй байдлыг хангах үүрэгтэй байгууллагуудын нэг нь ГААЛЬ. 

Нэг тийм онигоо, явган яриа байдагсан.
-Манай Гаалийн даргын охины төрсөн өдөр болж байгаа гэнэ. Юу авч өгөх вэ?
-Машин авч өгөх үү? 
-Машин байгаа шдээ 
-Тэгвэл байр авч өгөх үү?
-Саяхан байр авсан гэсэн 
-Эсвэл нэг өдөр ээлжинд гаргах уу?
-За ингэж л давраахгүй шүү!!! 

Гаалийнхны тухай ийм нэг онигоо гэмээр яриа байдаг нь санаанаасаа зохиосон “үлгэр” биш гэлтэй. Өөрөөр хэлбэл нэг өдөр ээлжинд гарахад машин, байр байтугай “ОРЛОГО” олдог болохыг дээрх яриа егөөджээ.

      Монгол улс “ХОГИЙН САВ” шиг хамаг муу муухай, хориотой, зөвшөөрөлгүй бараа бүтээгдэхүүн орж ирдэг нь Гаалийн муугийнх. Нэг удаа БНХАУ руу ажлаар яваад Зам-Үүдийн боомтоор орж ирэхэд Гаалийн байцаагч “За цүнхэнд чинь ямар нэгэн хориотой юм байхгүй биз” гэж асуулаа. Байхгүй л гэж хариулав. Ингээд Хил даваад хотдоо ирсэнсэн. Тухайн үед ингэж шалгадаг бол юу ч хамаагүй аваад орж болох юм байна л даа гэж халаглаж билээ. 

    Гааль үнэхээр “АВЛИГАД” идэгдсэн, “ХАХУУЛЬД” өртсөн газар. Үүнийг засъя, өөрчлъё, зогсооё гэдэг дарга ч байдаггүй. Аргагүй л дарга нь “ЦҮНХ” баригч, Оффшорчны гар хөл болоод тэр үү тийм сэтгэл түүнээс гардаггүй. Гаалийн ерөнхий газрын дарга Б.Асралт Төрийн захиргааны туршлагагүй ч сайн ахынхаа буянаар “КРАНААР” Гаалийн ерөнхий газрын даргад томилогдсон байдаг. Өөрөөр хэлбэл оффшорчин гэх Монгол Улсын Ерөнхий сайд асан Сү.Батболдын эхнэрийнх нь дүү. 

    Сү.Батболдын хөрөнгө оруулалттай Стар тв-ын захирлаар нэг хэсэг ажиллаж байгаад шууд Гаалийн даргаар томилогдсон нэгэн юм. Гаалийн ерөнхий газар үүднээ “Буяныг гаргахгүй бузрыг оруулахгүй” гэх уриатай аж. Гэтэл дарга нь “бузар” хэрэгт холбогдож явсан удаатай ч Сү.Батболд ахынхаа буянаар хэргээс мултарч үлдэж байсан түүхтэй юм.

Б.Асралт нь 1.2 тэрбум төгрөгийн эрх мэдэл, албан тушаалаа урвуулан ашигласан гэх хэрэгт холбогдож байв

Б.Асралт 2017 оны гуравдугаар сарын 09-ны А/37, 2017 оны зургаадугаар сарын 30-ны А/162-р тушаалаар нэр бүхий 4 компанид давуу байдал бий болгох зорилгоор, сонгон шалгаруулах журам зөрчин, тусгай зөвшөөрөл олгожээ. Энэ хэргээ өөрөө хүлээн зөвшөөрч 2017 оны аравдугаар сарын 3-нд хууль зөрчсөн шийдвэрээ хүчингүй болгосон. Гэсэн ч нэр бүхий компаниуд 1.2 тэрбум төгрөгөөр үнэлэгдэх барааг хил, гаалиар татваргүй оруулж улсыг хохироосон хохирол төлөгдөөгүй байгаа гэх. 

Энэ хэрэг ингээд хаагдсаныг Нийслэлийн прокурорын газрын 2018 оны тавдугаар сарын 17-ны 126-р тогтоолоос харж болно.

2019 онд гаалийн 34 ажилтан авлига авсан нь тогтоогдсон, өнгөрсөн жил Замын-Үүдийн Гаалийнхны “мафийн сүлжээг” илрүүлж, хэсэг хүмүүст хариуцлага тооцож ажлаас нь чөлөөлсөн. Гэсэн ч хамаг хариуцлагыг нь хүлээх Б.Асралт суудалдаа үлдэж чадсан байдаг. ГЕГ-ын дарга Б.Асралт ийн хариуцлагагүй удирдлага төдийгүй тансаглалд дуртай нэгэн гэнэ. 165 сая төгрөгөөр зангиа, 48 сая төгрөгөөр энгэрийн тэмдэг, 41 сая төгрөгөөр үнэмлэхний хавтас авдаг “БАЯН ДАРГА” юмсанж. 

Сү.Батболдын фракц улс төрд “хүчтэй” байгаа учир Гаалийн Б.Асралт суудлаасаа буухгүй байгаа. Гэхдээ энэ Монгол улсад хүчтэй фракцаас илүү шударга шүүх байгаад итгэе. Хэрэг хэзээд ч хуучирдаггүй. Гаалийн ерөнхий газрын дарга Б.Асралтын “Авлигын хэрэг”-ийг дахин шалгая. Түүнчлэн Замын-Үүд, хил гааль, Гашуун сухайтын Гаалийнхны асуудлыг шалгая. Б.Асралт даргын үүднээ томоос том бичсэн шиг “Буяныг гаргахгүй бузрыг оруулахгүй” ажиллаж байгааг харъя. 

     Гашуун Сухайтын боомтын асуудлыг энд сөхөхгүй үлдээж болохгүй юм. Төр.мн сайт дараагийн дугаарт Гашуунсухайт боомтод Б.Асралт хэрхэн “ноён” суусныг хүргэх болно. 

Төр.мн
Б.БАДАРЧ