2015-2018 онд зам тээврийн хөгжлийн сайдаар сахал Ж:Бат-Эрдэнэ ажиллаж байхдаа Дарханы замын асуудлыг шинэчилж дөрвөн эгнээтэй болгож, стандарт хангасан нэгдүгээр зэрэглэлийн зам тавьж, 2018 онд ашиглалтад оруулна хэмээн замын ажлын нээлтийг сүр дуулиантай эхэлж байсан түүхтэй.
Гэвч ажил эхэлсэнгүй, зам урьдынхаасаа улам их эвдэрч, тус замаар зорчих нь үхэл, амьдралтай тэмцэх мэт амаргүй даваа болгож орхисон. Ингээд Дарханы замын асуудал барахгүй даваа байна аа гээд ажлаа хүлээлгэж өгөхөд уг ажлыг үргэлжлүүлэхээр 2019 онд Б.Энх-Амгалан тус яамны сайдаар томилогдож байсан. Бас л тэрээр Дарханы замыг нэгдүгээр зэрэглэлийн зам болгож чадахгүй гэдгээ хүлээн зөвшөөрч суудлаа тавьж өгсөн. Удалгүй 2020 оноос Л.Халтар сайд үргэлжлүүлэн замтай холбоотой асуудалд анхаарч ажиллахаар болсон юм. Гэтэл олон сайдын нүүрийг үзсэн, олон ч хүмүүсийн бие махбод, сэтгэл санаа эд хөрөнгө санхүүгээр нь хохироосон Дарханы замын асуудлыг хэзээ дуусгах тодорхойгүй “Там”-ын гэж нэрлэгдэхэд хүрсэн зам ийнхүү олон жил болсон байна.
Дарханы замаа засаж чадахгүй болоод ирэхийн цагт гишүүд онгоцоор яв гэж уриалах болсон уу..
Тодруулбал, 2019 онд зам тээврийн хөгжлийн сайд байсан, УИХ-ын гишүүн Б.Энх-Амгалан ийнхүү ард түмнийг доромжилсон өнгө аястай зүйлс ярилаа. Тэрбээр хэлэхдээ:
“Бид нарт нэг боломж байгаа. Хөдөө явахдаа машин барж давхихаас илүүтэйгээр ЖИЖИГ ОВРЫН ОНГОЦ худалдаж ав, үнэ ханш нь ч боломжийн байна лээ” хэмээн иргэдэд ичихгүй захисан юм.
Энх-Амгалан гишүүнээ ...
Монголын ард түмэн чинь, тань шиг тансаг, эрх ямбанд умбах дээрээ хүртэл хөлжчихөөгүй л байна. Олон сая төгрөгийн үнэтэй ОНГОЦ худалдаж аваад таны хэлсэнчлэн Хөдөө газар руу хаяа нэг очихдоо сууж явдаг онгоцтой болох дээрээ тултал хангалуун амьдраад байгаа зүйл байхгүй гэдгийг хэлмээр. Ард иргэд чинь авсан цалингаараа амьжиргаагаа залгуулж яваа, өртөг өндөртэй энэ оронд амьдарч байгааг мэдсээр байж овор багатай ОНГОЦ худалдаж ав гэж яаж хэлж зүрхэлнэ вэ?
"Дарханын замаа хийж чадахгүй нь ээ одоо онгоц худалдаж ав аа" гэж хэлсэнтэй ижил сонсогдож байна. Энэ мэтчилэн бэл бэлчингүй ард түмэнтэйгээ мэдсээр байж дормжилж байгааг тань чухам юу гэж ойлгох уу?
Ерөнхий сайдаа....
Дарханы замын ажлыг 2023 оны аравдугаар сараас хэтрүүлэхгүй дуусгах үүргийг та өгсөн. Гэтэл үе үеийн зам тээврийн хөгжлийн сайд, гишүүд чинь нэг нэгээрээ замаа засаж чадахгүй шууд НИС гэж далд санаагаа илэрхийлээд байгааг юу гэж ойлгох вэ? Сайд дарга нарт бүгдэд нь онгоц байдаг бололтой. Харин ард түмэн чинь онгоц худалдаж авах битгий хэл идэх мах, өмх талхаа ч авч чадахгүй байхад. Энэ мэтчилэн хөлжсөн гишүүд тань иргэдийг доромжилсоор байх уу? Бас Дарханын замаа үнэхээр янзалж чадахгүй ингээд л жил дамнаад яваад байх уу? Сайд аа..
Like
1
Зөв
1
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
