Ардчилсан намын ээлжит бус чуулганаар АН-ын даргын сунгаанд илт давуу ялалт байгуулсан Х.Баттулгыг 100 хувийн саналаар дэмжин АН-ын даргаар батламжилсан юм. Харин улсын дээд шүүх Х.Баттулгыг АН-ын даргаар бүртгэж авахгүй байгаатай холбогдуулан энэ оны 5 сарын 20-ны өдөр Улсын дээд шүүхийн гадаа Ардчилсан намын гишүүд, төлөөлөгчид тайван жагсаалыг зохион байгуулсан юм.
Тэгвэл үүнтэй холбогдуулан өнөөдөр АН-ын ерөнхий нарийн бичгийн дарга И.Мөнхжаргалд прокуророос зарлан дуудах бичиг иржээ.
Энэ талаар тэрбээр тайлбарлахдаа: "5 сарын 20-ны өдөр Улсын дээд шүүхэд Ардчилсан намын гишүүд, төлөөлөгч нар Х.Баттулгыг намын даргаар бүртгэхийг шаардаж тайван жагсаал зохион байгуулсан юм. Уг тайван жагсаалд АН-ын удирдлагууд, орон нутгийн гишүүд төлөөлөгч нар цагдаагийн байгууллагатай хамтран эмх замбараатай зохион байгуулсан. Гэтэл өнөөдөр прокуророос зарлан дуудах хуудас ирлээ. Уг нь мөрдөгч, цагдаа нараас хуудас ирдэг юм. Гэтэл шууд прокуророос ирж байна. Энэ бүх зүйл ойлгомжтой. АН-ын дарга болон удирдлагуудад ингэж халдаж байгаа нь эх баригч намтай шууд холбоотой. Тодруулбал, 2024 онд өрсөлдөгчгүйгээр ялах гэсэн МАН-ын эрх баригчдын үйлдэл гэж хардаж байна. Харин үүнийг зохион байгуулж байгаа Д.Амарбаясгаланд хэлэхэд “Чи бол битгий хуцаа” л гэж хэлмээр байна. Бид ямар нэгэн зүйл зөрчсөн бол, Ардчиллыг нухчин дарах гээд байгаа бол Ардчилсан намын байраас бүгдийг ачаад яв л даа. Дуустлаа үзэлцэнэ шүү. Бид айж сүрдээд байсан юм ер алга. Хийсэн хэрэг байхгүй” гэлээ.
АН-ын генсек И.Мөнхжаргалыг прокуророос дуудан, ирээгүй тохиолдолд албадан баривчилна гэж сүрдүүлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
