Засгийн газрын хуралдаанаар өнөөдөр "Эрдэнэс Монгол" ХХК-ийн шинэчлэлтийн асуудлыг хэлэлцсэн юм. Энэ талаар Уул уурхай хүнд үйлдвэрийн сайд Г.Ёндон хэлэхдээ:
Үндэсний баялгийн сангийн тухай хуулийг Засгийн газрын хуралдаанаар хэлэлцэн УИХ-д өргөн барих шийдвэр гарсан юм. Уг хуульд "Эрдэнэс Монгол" ХХК-ийн бүтэц, удирдлага, үйл ажиллагааны чиглэлийг тодорхой тусгасан. Нэг үгээр хэлбэл "Эрдэнэс Монгол" ХХК үндэсний баялгийн сан болж байгаа гэсэн үг юм. Норвегийн тэтгэврийн сан бол Баялгийн сангийн хамгийн том жишээ юм. Үндэсний баялгийн сангийн тухай хуулийн төсөл ч энэ жишгийн дагуу явна. Харин корпорацийн төлөөлөн удирдах зөвлөлд 200 гаруй хүн ажилладаг бүрэлдэхүүнийг хасаад 27 хүн болгож бууруулах шийдвэр гаргасан. Газрын дарга, хэлтсийн дарга гэх мэтчилэн уялдаа холбоогүй албан тушаалтнууд их бий. Тэгэхлээр хуулийн дагуу бүрэлдэхүүнд өөрчлөлт хийх шаардлага үүссэн юм" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
