2022 оны 06-сарын 07-ны өдөр буюу хоёр хоногийн өмнө Нийгмийн бодлогын байнгын хорооны хурал дээр сонин жигтэй асуудлуудыг гишүүд хэлэлцэж олны эгдүүцлийг хүргээд авсан юм.
Онцолбол, УИХ-ын гишүүн Б.Баярсайхан Эрүүл мэндийн сайд С.Энхболдод хандаж “Би танд бичиг явуулаад одоо хүртэл ямар ч хариу алга. Завхан аймгийн бүр төрийн албан хаагчид илүүдэл жингээсээ салъя. Наадам хүртэл гурван сарын хугацаанд шим тэжээл судлаачдыг аваачаад зөв зохистой хооллолтыг заалгаад, илүүдэл жингээсээ салаад, яаж эрүүлждэгийн ард иргэддээ харуулж үлгэр дуурайлал болоод явъя гэсэн. Өнөөдөр энд зарцуулах нэг төгрөг нь ирээдүйд хавдраар өвчлөхөд зарцуулахаас хамаагүй илүү үр дүнтэй ажил байхад ХЭДЭН ТЭРБУМААР НЬ ХАВДАРТ ЗОРИУЛЧИХСАН МӨНГӨНӨӨСӨӨ 70, 80-хан сая төгрөгийг 78 мянган хүнтэй аймагт хуваарилж чадахгүй л байгаа байхгүй юу” гэсэн юм.
Б.Баярсайхан гишүүний хэлснээр Завхан аймагт ажиллаж амьдарч байгаа олон мянган төрийн албан хаагчид бүгд илүүдэл жинтэй, тарган хүмүүс аж.
Бас болоогүй тэдгээр тарган хүмүүсийг тураахын тулд олон сая төгрөг улсын төсвөөс гаргуулахаар “Дайрч” байгаа нь Завханд ажилладаг төрийн албан хаагчдад төдийлөн таалагдсангүй. Тэд хэлэхдээ Завханы төрийн албан хаагчид бүгд тарган, хоол ундаа тохируулах чадамжгүй, хөдөлгөөн хийдэггүй, ажил хийдэггүй гэх үндэслэлээр иргэдийг доромжилсон гэж нэлээд бухимдалтай хандаад байгаа аж. Хамгийн гол нь эдгээр хүмүүс түүнийг ГИШҮҮН болоход мэдээж хэрэг тус болсон. Тиймдээ ч тэд нарыгаа дэмжих нь дамжиггүй.
Төрийн ордонд сууж байгаа гишүүд төлөөлөгч нар эрүүл, галзуу нь мэдэгдэхгүй зүйлс чуулган, хуралдаан дээр ярьж байгаа нь баргын хошин шогоос дээр гэж хүмүүс ч ам булаалдан ярьдаг болсныг нуух юун.
Иймд Б.Баярсайхан гишүүнээ сонгогч түмэн чинь хавдараар зовж шаналж байгаа иргэдэд зарцуулж буй мөнгөнөөс нь аваад турахыг хүсэхгүй байхад заавал чичирж дайрах нь ёс зүйгүй биш гэж үү. Уг нь эрүүл саруул ухааанаар асуудалд хандвал хавдартай иргэддээ аль болох мөнгө илүүчлэх ёстой атал. Төсвөөс нь хумсалж хувь хүний асуудалд улсын төсвөөр хөрөнгө оруулалт хийх нь инээдтэй биш гэж үү. Гэдэс, гүзээгээ хасаад хоол ундаа тохируулах чинь хувь хүний л асуудал баймаар.
2024 оны сонгуульдаа тэрээр ийнхүү ханцуй шамлан ажиллах ёстойгоо гэнэт ухаарч, хамгийн түрүүнд тойргынхоо иргэдийг тураах тал дээр түлхүү анхаарч байгаа бололтой.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
