Голуудын усны түвшин 10-55 см даван үерлэж байна

Цаг Уур, Орчны Шинжилгээний Газар

0
1021

Голуудын усны түвшин 10-55 см даван үерлэж байна

Төр.мн I www.tur.mn

2022-06-13

Цаг уурын байгууллагын ирүүлсэн мэдээллээр өнөөдөр буюу 13-ны өдрийн байдлаар Хэрлэн голын эх, Орхон голын адгаар, Хэнтий нуруунаас усжих Ерөө, Балж, Хурх, Барх, Эг, Хангай нуруунаас эхтэй Идэр, Улиастай, Чулуут зэрэг голуудын усны түвшин өмнөх өдрийнхөөс 10-40 см нэмэгдсэн байна.

Харин Ховд, Онон, Улз, Хэрлэн гол Багануур дүүрэг, Хонгон, Мөнгөнморьт сумдын орчмоор үерийн түвшинг 5-55 см давж, Балж гол Дадал сум орчмоор үерийн аюултай түвшинг 33 см даван үерлэж байна.

Маргааш буюу 14-нд Хэрлэн голын дунд хэсгээр 10-50 см, Ерөө, Чулуут зэрэг голуудын усны түвшин 10-30 см нэмэгдэх төлөвтэй байна.

Мөн ойрын өдрүүдэд Монгол-Алтай, Хөвсгөл, Хэнтийн уулархаг нутгаар дуу цахилгаантай аадар бороо орно.

Иймээс хур борооны хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух нөхцөл бүрдэх тул дээр дурьдсан голуудын сав дагуу суурьшиж, нутаглаж, аялж, зугаалж байгаа иргэдийг үерийн аюулаас болгоомжтой байхыг онцгойлон анхааруулж байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Голуудын усны түвшин 10-55 см даван үерлэж байна

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд