Өнөөдөр буюу 2022 оны 06-р сарын 13-ны өдөр Сүхбаатарын талбайд барилгын материалын үнийн өсөлттэй холбоотойгоор жагсаал боллоо. Үүнтэй холбоотойгоор Барилгын хөгжлийн төвийн захирал Ц.Амарсанаагаас тодрууллаа
Тэрбээр хэлэхдээ: Сүхбаатарын талбайд барилгын материалын үнийн өсөлтийн асуудлаар улсын төсвийн хөрөнгө оруулалтаар барилга байгууламж барьж байгаа компаниудын төлөөлөли өнөөдөр жагсаж байна. Үүнтэй холбоотойгоор 2022 оны 12-р сард УИХ-аас 88-р тогтоол гарсан. Энэ тогтоолд барилгын салбарт үнийн өсөлт хэрхэн явагдаж байна. Ямар шалтгаантай вэ? гэдгийг тооцох. Мөн барилгын материалын үнийн өсөлтийг тооцсон төсөвт магадлал хийх чиглэл ирсэн байгаа. Тиймээс БХБ-ын сайдын 75-р тогтоол гарч барилгын материалын үнийн өсөлтийг тооцох магадлалын ажил хийх түр журам батлагдсан байгаа. Энэ түр журмын хүрээнд улсын төсвөөр баригдаж байгаа байгууламжыг барилгын материалын үнийн өсөлтөд магадлалын ажлыг гүйцэтгээд хоёр сар гаран явуулж байна. Тодруулбал, 2-р сарны 05-аас эхэлж одоогоор 100 гаруй ААН-үүд магадлуулсан байна.
Мөн 7-р сарын 1-ний дотор 88-р тогтоолын дагуу танилцуулах үүрэгтэй. Тиймээс бид маш богино хугацаа буюу 06-р сарын 15-ны дотор бүх материалыг хүлээж аваад 20-д гаргаад засгийн газарт танилцуулна. Ингээд 7-р сарын 1-ээс УИХ-д барилгын материалын үнийн өсөлтийг танилцуулах ёстой.
Тэгэхээр ААН-үүд 6-р сарын 15-ны дотор багтаж барилгын материалын үнийн өсөлтийг тооцуулж магадлал хийх ажлыг зохион байгуулахад оролцох хэрэгтэй байна. Энэ хугацаанд амжаагүй хүмүүс УИХ-д танилцуулагдахгүй гэдгийг хариуцлагатайгаар хэлье" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
