Дэлхий нийтэд коронавирусын цар тахал дэгдсэнээс бараг 2 жил гаруй хугацаанд нийгэм, эдийн засгийн байдал тогтворгүй байлаа. Үүнээс үүдэн хамгийн их хохирч байгаа салбаруудын нэг бол яах аргагүй боловсролын салбар. Дэлхийн хүний эрхийн байгууллагуудын судалгаагаар цар тахал хүүхдүүдийн сэтгэл зүйд нэлээн хүнд цохилт болсныг харуулж байна.
“Боловсролын салбар дахь даяарчлалын түншлэл” байгууллагын Ерөнхий захирал Элис Олбрайт хэлэхдээ “Ядуус эдийн засгийн хүнд нөхцөлд хүүхдээ сургах уу эсвэл хоолтой байх уу” гэсэн асуудалтай тулгарлаа. Үүнээс болж олон сая охид сургуульд сурч чадахгүй байх магадлалтайг хэллээ. Цар тахлын жилд хүүхдүүд дунджаар боловсролын 74 хоногоо алдсан нь хичээлийн жилийн гуравны нэгтэй дүйх үзүүлэлт аж. Хэдийгээр алсын зайн сургалт хийж чадсан орнуудын сурагчдын гуравны нэг нь интернет ба компьютергүйгээс боловсролоос хоцрогджээ. Мөн Австралийн McCrindle Research компанийн судалгаагаар Зээт үеийнхэн буюу 1997-2012 онуудад төрөгсөд цар тахлын жилд гэрийн хорионд орсноор хийх юмгүйгээс болж юмгүйгээс (51%), бие организмын идэвхгүйгээс (47%), ганцаардлаас (41%) нь сэтгэл зүйн дарамтад өртжээ. Энэ олон асуудлын хажуугаар ядуу орнуудад хүүхдийн хөдөлмөрийн мөлжлөг, охидын наймаа газар авч буйг хүний эрхийн Equality Now гэдэг байгууллага мэдээлжээ.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
