Үндэсний их баяр наадмаар 1,024 бөх барилдах бөгөөд хурдан морьдын салбар хороо, сур болон шагайн харвааны салбар хороодын бэлтгэл ажил хэвийн явагдаж байна.
Баяр наадмын үеэр иргэдийн автомашиныг тусгайлан бэлдсэн зогсоолд зогсоож, Төв цэнгэлдэх хүрээлэн хүртэл автобусаар үйлчилнэ.
Харин Хүй долоон худагт автомашины долоон төрлийн зөвшөөрөл олгож, 6,500 автомашины зогсоол бэлдэх юм байна.
Долдугаар сарын 7-нд урианхай сурын харваагаар эхлэнэ
Улсын баяр наадмын нээлт, хаалт болон төрийн ёслол хүндэтгэлийн концертыг найруулах Төрийн соёрхолт Н.Наранбаатар “Урлаг соёлын чиглэлээр 9 арга хэмжээ зохион байгуулахаар төлөвлөж, бэлтгэл ажил хангагдаж байна. Энэ жилийн наадмын нээлт, хаалт болон урлаг соёлын арга хэмжээг хэлбэрийн хувьд хэт нүсэр биш минимал байдлаар зохион байгуулна.
Агуулгын хувьд монголчуудын хүн төрөлхтний түүхэнд оруулсан хувь нэмэр, онцлох гол гол түүхэн үйл явдлуудыг харуулахын зэрэгцээ үндэсний өв уламжлал, түүх соёлоо хүүхэд, залууст шинэлэг байдлаар сурталчлан таниулах чиглэлээр бэлдэж байна” гэв.
Энэ жилийн Улсын баяр наадам долдугаар сарын 7-нд урианхай сурын харваагаар эхлэх бол 12-ны 00:00 цагт Төв цэнгэлдэхэд хаалтын үйл ажиллагаагаар өндөрлөнө.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
