Монголчууд зам дагаж ХӨГЖИЛ гэж ярьдаг. Авто зам, төмөр замаа байгуулаад, гадагшаа харилцах харилцаагаа улам бэхжүүлж, боомтоо өргөжүүлж, нээгээд тэндээ эдийн засгийн эргэлтээ хийгээд явбал Монгол Улсын эдийн засаг хөгжих, тэлэх бүрэн боломж бий. Судлах нь ээ, 2014 онд Монгол Улсын Засгийн газар, БНХАУ-ын Засгийн газрын хооронд дахь хэлэлцээрээр Өмнөговь аймагт гурав дахь боомт буюу “Цагаандэл уул-Өлзий” боомтыг нээж, байнгын ажиллагаатай ажиллуулах шийдвэрийг гаргаж байж. Ингэхдээ Монгол, Хятадын хилийн “Цагаандэл уул-Өлзий” боомтыг хоёр тал хоёр улсын жишиг боомт болгоно гэж. Гэтэл 8 жил болоход энэ ажил урагшлахгүй байгаа нь өнөөх “ЛУЙВАРЫН ЛОББИ БҮЛЭГ”-ийн “ЗОСГООХ АЖИЛ” эхэлсэн үү гэлтэй. 

Тус боомтыг БНХАУ-ын ӨМӨЗО-ны Алшаа аймгийн 43 тэрбум төгрөгийн буцалтгүй тусламжаар бүтээн байгуулах юм.

Боомтын бүтээн байгуулалтын ажлын хүрээнд Таван толгой-Баруун наран чиглэлийн авто замын төгсгөлөөс Цагаан дэл уул боомт хүртэлх тусгай зориулалтын авто зам байгуулахаар 2019 оны 6-р сарын 25-ны өдөр гэрээ байгуулж байлаа. Өөрөөр хэлбэл зам, харилцаа хөгжөөгүй, шороон замаар тоос татуулан тээвэрлэлт хийдэг Монголчуудад том боломж.

    Монгол Улсын ерөнхий сайд Л.Оюун-Эрдэнийн санаачлан дэвшүүлсэн “Боомтын сэргэлт”, “Шинэ сэргэлтийн бодлого”, “Алсын хараа-2050”-д боомтын үйл ажиллагааг өргөжүүлж, эхлүүлэхээр тусгасан нь Эдийн засгаа сэргээх том бодлого гэж харж буй. Бас хөгжлийн нэгэн шинэ үе гэж ч тодорхойлж буй. 

ЗАМ ДАГАЖ ХӨГЖИЛ ГЭДЭГ ДЭЭ...

    Боомтын үйл ажиллагааны хамгийн том бүтээн байгуулалт нь Цагаан дэл уулын боомт хүртэл 270 км хүнд даацын хатуу хучилттай автозам. Энэ замын бүтээн байгуулалтыг хийх концессын гэрээг “Ундрах говь” компани гүйцэтгэх юм байна. Тус компани гэрээний дагуу энэ оноос эхлээд замын бүтээн байгуулалтын ажлыг эхлүүлэх бэлтгэлээ базааж эхэлсэн боловч АШИГЧ хайгч зарим компанийн эзэд, Улс төрчид малчдыг урдаа барьж эсэргүүцэж жагсав. Тэд малчдаар халхавч хийгээд АВЛИГА авах, АШИГ олохоор зэхсэн нь энэ. Одоо боомтын бүтээн байгуулалтыг зогсоох ажил руу тэд орох юм гэнэ. 

Өөрөөр хэлбэл адгийн зарим улс төрчдийн амиа бодсон, зөвхөн өөрөө ашиг олохыг хүссэн бодлоос болж шинэ боомт нээж, эдийн засгаа тэлэх боломж хязгаарлагдах нь.

Монголд нэг тийм муухай ЖИШИГ тогтож. Монгол Улсын Төр, Засаг нь, Хувийн хэвшил нь ажил хийе, бүтээе, байгуулъя гэхээр улс төрчид нь орон нутгийнхныг турхирч, жагсаад ажлыг нь зогсоочих юм. Эцэстээ ямар ч эдийн засгийн боломжгүй, хөгжилгүй, тээвэрлэлт, дэд бүтэц хөгжөөгүй балар эртний МОНГОЛ хэвээр ээ л үлдэх юм. Одоо улс төрчдийн ийм увайгүй үйлдэлд хүлцэнгүй хандах аа больё оо. Улс орнууд хөгжлийн дээд цэг рүүгээ явж байна. Гэтэл манайх 100 жилээр хоцорсоор байх уу?

Л.ОЮУН-ЭРДЭНИЙН МОНГОЛ УЛСЫН ХӨГЖЛИЙГ 30 ЖИЛЭЭР ТОДОРХОЙЛСОН БОДЛОГО

  Ганцхан Гашуунсухайтын боомтоор нүүрсний тээвэрлэлт, экспортоо хийдэг бидэнд өөр гарц, хаалга тун хэрэгтэй дээ. Ядаж л ачаалал буурч, бухимдал арилж, хүнд суртал алга болно. Эцэстээ эдийн засаг тэлж, хөгжлийн олон боломжууд ч нээгдэхийг энд бичүүлэлгүй хүмүүс мэднэ. Монгол Улсын ерөнхий сайд Л.Оюун-Эрдэнэ “Алсын хараа-2050” бодлогын баримт бичгийг батлахдаа Монгол Улсын хөгжлийг 30 жилээр тодорхойлсон. Залуу ерөнхий сайд Эдийн засгийн тал бүрийн боломжийг олж харсан, басхүү зоригтой ч алхмыг хийж буй. Гэхдээ түүний үйлдэл хүн бүхэнд таалагдахгүй албагүй. Тэр тусмаа бүх зүйлээс ашиг олох, шуналын зэдтэй улс төрчдөд бүр ч таалагдахгүй нь лавтай. Гэвч тэднээс эмээж, айж явах цаг биш. Монгол Улсын ерөнхий сайд Л.Оюун-Эрдэнэ ээ та зорьсон ажлаа эхлүүл, үр дүнг нь үз, Эдийн засгаа тэл, Авто зам, төмөр замаа байгуулж, боомтоо нээ! “ЖИШИГ БООМТ” нээнэ гэсэн амлалт юу болов? Л.Оюун-Эрдэнэ сайд аа!

Үргэлжлэл бий... 

Б.ШҮРЭНЦЭЦЭГ
Төр.мн