Өнөөдөр Монгол улсын Засгийн газрын ээлжит хуралдаан болж хэд хэдэн асуудлыг хэлэлцэн шийдвэрлэлээ. Хуралдаанаар хэлэлцсэн асуудлаар сайд нар мэдээлэл хийлээ. Энэ үед Сангийн сайд Б.Жавхлан: Сүүлийн үед иргэдийн вакцинжуулалтын идэвх эрс буурсан. Дархлаажуулалт хэдийгээр сайн дурын боловч вакцин хийлгээгүй иргэд бусдыгаа эрсдэлд учруулж байна. Тиймээс Засгийн газар вакцины 2 тунг хийлгэсэн иргэдээ урамшуулна. Вакцин хийлгээгүй, иргэний үүргээ биелүүлэхгүй байгаа хүмүүст хариуцлага тооцно.
Вакцины 2 тунг хийлгэсэн иргэддээ дархлаа сайн тогтоход нь нэмэр болж, амин дэм авахад зориулж 50 мянган төгрөгийн урамшуулал олгохоор шийдвэрлэлээ.
Улаанбаатар хотод халамж авдаг 211 мянган иргэнээс 80 мянга нь вакциндаа хамрагдаагүй байна. Хүнсний талон авдаг 47 мянган иргэнээс 29 мянга нь дархлаажуулалтын нэг ч тунд хамрагдаагүй байгаа учраас цаашид вакцинд хамрагдсан иргэдийг нийгмийн халамж үйлчилгээнд хамруулна.
Төр.мн
Like
0
Зөв
0
0
Буруу
0
Воов
0
Уйтгартай
2
Дуртай
© 2013-2023. Вэб сайт бүтээсэн: Tsast Solution LLC
