Төр сайн менежер байсан ТҮҮХ байдаггүй. Учир нь Төрд бүх юм очихоор хэн нэгний, хэсэг бүлэг хүмүүсийн “ТЭЖЭЭГЧ” болж, эцэстээ ард түмэнд өгөөжгүй, улс эх оронд хүртээлгүй болоод л дуусдаг. Монголын Төр хувийн хэвшилтэйгээ үргэлж дайн зарлаж, тэдэнтэй өрсөлддөг. Өрсөлдөөд барахгүй болохоор Төрийн төмөр нүүр нэрээр хүчээр авна. Өнөөдөр түүнийг, маргааш таны өмчийг булааж авч мэдэх Төртэй болсон нь гайхах зүйл биш.
Хамгийн сүүлийн жишээ. Төр төмөр нүүрээ үзүүлж "Хөтөлийн цемент шохойн” үйлдвэрийг БУЛААЖ авлаа. Энэ үйл явдлаас хойш бүтэн нэг улирал өнгөрлөө. Төрд очмогц "Хөтөлийн цемент шохойн” үйлдвэр дотоодын цементийн хэрэглээг бүрэн хангаж, бараг л бусад цементийн үйлдвэр “хэрэггүй” болох юм ярьж байв. Гэтэл өнөөдөр цементийн хомстолд орж, ачааны хүндээс "Хөтөлийн цемент шохойн” үйлдвэр үүрэлцэж чадсангүй.
Бас нэгэн жишээ. 2014 онд “Дарханы Төмөрлөгийн Үйлдвэр” ТӨХК-ийн төслийг хэрэгжүүлэхээр Монголын Засгийн газар “Кью Эс Си” ХХК-тай концессын гэрээ байгуулсан байдаг. Гэтэл өнгөрсөн дөрөвдүгээр сард Засгийн газар гэнэт концессын гэрээг цуцлах болов. Концессын гэрээ нь нийт зургаан ажлыг хийж гүйцэтгэх үүрэг хүлээсэн ч үйл ажиллагаа нь хангалтгүй биелэгдсэн гэж үзээд шууд цуцлах шийдвэр гаргасан байх аж.
Концессын гэрээ бол хувьчлал биш юм. Өөрөөр хэлбэл Төр хийж “чадахгүй” ажлаа концессын гэрээ байгуулах замаар Хувийн хэвшлээр гүйцэтгүүлнэ л гэсэн үг. Нэг ёсондоо Хувийн хэвшил бүх менежментийг хийж, үйлдвэрийг хөл дээр нь босгоно л гэсэн үг юм л даа. Бас бүх хөрөнгө оруулалтаа хувийн хэвшил гаргадаг.
Концессын гэрээний хүрээнд 6 том төсөл хэрэгжинэ.
-Өөрийн эзэмшлийн Төмөртолгой, Төмөртэй, Хуст-Уулын орд газруудыг эдийн засгийн эргэлтэд оруулж ил уурхайнуудыг байгуулах.
-Төмрийн хүдрийн эхний шатны боловсруулах үйлдвэрүүд болох хуурай, нойтон соронзон аргын баяжуулах үйлдвэрүүдийг байгуулах
-Төмрийн хүдрийн баяжмалыг дараагийн шатны боловсруулалтад оруулж хаягдал төмрийг орлож чадахуйц металлургийн үйлдвэрийн шаардлагыг хангасан түүхий эд үйлдвэрлэх
-Шууд ангижруулсан төмрийн үйлдвэрийг байгуулах
-Дарханы Төмөрлөгийн Үйлдвэрийн суурилагдсан хүчин чадлыг бүрэн ашиглаж үйлдвэрлэлийн тоо хэмжээг нэмэгдүүлэх
-Шинээр гангийн үйлдвэр байгуулж үйлдвэрлэлийн хүчин чадлыг жилийн 300 000-500 000 тоннд хүргэх зэрэг юм.
Гэтэл Монголын Төр нь дээрх үйлдвэрийг өнөөдөр байгуул, үгүй бол болилоо гэх хандлагаар хандах. Угтаа энэ чинь бүхэл бүтэн “Уул уурхай, металлургийн цогцолбор үйлдвэр” байгуулах төсөл шүү дээ.
Энэ том бүтээн байгуулалтыг хийж, хэрэгжүүлэхэд хөрөнгө санхүү чухал. Гэтэл Хөгжлийн банкнаас зээл авлаа гэж буруутгаж байх юм.
1992 оноос хойш тасралтгүй УИХ-ын гишүүнээр ажилласан, хэдэнтэй Хуульзүйн сайд хийсэн ахмад улс төрчийн явуулга байв уу! Төр “ӨШӨӨ АВАЛТАА” “Дарханы Төмөрлөгийн Үйлдвэр”-т хэрэгжүүлэв.
Ингээд “Уул уурхай, металлургийн цогцолбор үйлдвэр” байгуулах төсөл “ДАШИН ШОГ” болох нь тэр....
Ингэж хэлэхийн учир нь, "Дарханы төмөрлөгийн үйлдвэр” төрд буцаж очсоноор концессоор хийгдэх ажил бүрэн зогслоо. Харин тэд өөрсдийн хамаарал бүхий компани, эсвэл хэн нэгэн авлига, хахууль өгсөн ААН-д, бүх ашиг сонирхолын зөрчилтэй танил талдаа концесс нэрээр өгчихөж мэдэх л улс даа...
Төр.мн
Б.Бадарч
Like
2
Зөв
0
0
Буруу
0
Воов
0
Уйтгартай
0
Дуртай
Намынхаа нөхдөө ажилд аваад хуучин ажилтнуудаас 30 гаруйг нь халчлаа ямартай ч. Дахиад 1400 хүнийг иймэрхүү байдлаар халж намынхаа хүмүүсээр сэлгэхэд сонгуулиар ялж таарна..
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
