Монгол Улсын Ерөнхийлөгчийн сонгуульд нэр дэвшигчдийн халз мэтгэлцээн цуцлагдсан талаар МҮОНРТ-ийн удирдлагууд мэдээлэл хийлээ. Өнөөдөр МҮОНРТ-ээр 17.30 цагт нэр дэвшигчдийн мэтгэлцээнийг шууд дамжуулах байсан ч ХҮН-аас нэр дэвшигч Д.Энхбат коронавирусийн халдвар авснаар ийн цуцлагдаж байгаа аж.
МҮОНРТ-ийн захирал А.Бүрэнбаатар: “2021 оны Ерөнхийлөгчийн сонгуульд нэр дэвшигчдийн халз мэтгэлцээнийг зохион байгуулах өдрийг гурван намын төлөөлөлтэй удаа дараа уулзаж ярилцсаны үндсэн дээр сурталчилгааны сүүлийн өдрийг сонгосон. Мэтгэлцээн зохион байгуулах бэлтгэл ажилд 60 гаруй сая төгрөг төсөвлөж, 150 орчим инженер техникийн ажилтнууд 10 гаруй хоног бүх бэлтгэлээ хангаж дуусгаад байлаа. ХҮН-аас нэр дэвшигч Д.Энхбат энэ сарын 5-нд коронавирусийн халдвар авсан нь батлагдсан учраас мэтгэлцээнийг хэрхэн яаж зохион байгуулах талаар уулзаж, ярилцсан. Гурван намын төлөөлөл ХҮН-аас нэр дэвшигч Д.Энхбатыг халдвар хамгааллын дэглэм сахиулаад студид авч ирэх эсвэл нөгөө хоёр нэр дэвшигчийг эмнэлэгт аваачиж оролцуулах, явуулын станцыг эмнэлэгт ажиллуулж нэр дэвшигч Д.Энхбатыг эмнэлгээс, нөгөө хоёр нэр дэвшигчийг студиэс оролцуулах гэсэн гурван хувилбар дээр ярилцсан. Аль боломжтой болох талаар Улсын хоёрдугаар төв эмнэлэг рүү албан хүсэлт илгээхэд улаан бүс буюу голомт руу гаднаас хэн нэгнийг оруулах боломжгүй. Мөн нэр дэвшигчийг эмнэлгээс гаргах боломжгүй.Тиймээс эмнэлэгт явуулын станц байрлуулах, телевизийн ажилтнуудыг нэвтрүүлэх боломжгүй гэдэг хариуг ирүүлсэн. Бэлтгэл ажлыг бүрэн хангасан байтал өөр нөхцөл байдал үүссэн учраас халз мэтгэлцээнийг зохион байгуулах боломжгүй болсонд харамсаж байна” гэлээ.
Ийнхүү МҮОНТВ-ийн удирдлагын яриагаар бол ХҮН-аас нэр дэвшигч Д.Энхбат короварусын халдвар авсан тул мэтгэлцээн цуцлагджээ.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
