Цахим хуудаснаа бүхий л аяллын зараа ивээн тэтгэж буй /facebook boost/ U travel аяллын компаниуд Вьетнам улсын Ханой-Халонг бэй-Фукуок, Ханой-Халонг бэй-Дананг чиглэлийн аялалд явсан 150 гаруй /88+60 гаруй/ Монгол аялагчдыг хохироож, “хулхиджээ”.

U travel аяллын компани хөтөчгүй, хөтөлбөрийн дагуу явуулдаггүй 

  Аяллын үнэд 4-5 одтой зочид буудал, үзвэр үйлчилгээ, хөтөч, орчуулагч, зочид буудлын зардал зэрэг багтсан гэх боловч бодит байдалдаа 5 алхам хүрэхгүй умгар зочид буудалд байрлуулж, зарим аялагчдад оройн хоол өгөөгүй, хөтөлбөрт заасан газраар оруулаагүй, орчуулагч, хөтөч ч байхгүй байсныг аялагчид хэлж байна.  

Энэ сарын 8-нд Ханой-Фукуок чиглэлийн нислэгт насанд хүрээгүй нялх гурван хүүхдийг эцэг эхээс нь салгаж, өөр өөр онгоцонд суухаар билетийг нь захиалсан байх жишээтэй.

Түүнчлэн энэ сарын 12-нд Фукуок-Ханой чиглэлийн нислэгийн билетээ захиалж, мөнгөө шилжүүлээгүйгээс болж ой 2 сартай хүүхдээс эхлээд 90 орчим иргэдийг хоолгүй, суух сандалгүй, амрах нөхцөлгүй газар 12 цаг хүлээлгэж. Улмаар онгоцонд зорчиж явсан нэг эмэгтэйн биеийн байдал муудаж, даралт ихсэн, эмнэлгийн тусламж авч чадалгүй 1-2 цаг хүнд байдалтай өнгөрүүлжээ.

U travel компани аялагчдыг ингэж хохироосноос гадна гадаад паспортыг нь барьцаалуулж, иргэдээс нэг хүний 250 ам.долларын нэмэлт төлбөр гаргуулах нөхцөлийг бүрдүүлсэн байна. 

Тус компаниуд аялагчдаас төлбөрийг 100 хувь авсан. Гэтэл Вьетнам дахь аяллын компани, зочид буудлын төлбөрийг шилжүүлээгүйн улмаас Вьетнам аяллын Victoria компани 88 иргэний гадаад паспортыг барьцаалж, онгоцонд суулгахгүй хэмээн сүрдүүлжээ. Онгоцны билетийг нь бичүүлэхдээ Vietnam Airlines компанитай үгсэн тохиролцож, иргэдийн паспортыг өгөхгүйгээр хураан авсан байна.

Тусгаар тогтносон Монгол Улсын өмч, иргэдийн гадаад паспортыг аяллын компани барьцаалж болно гэж үү!!!

Энэ мэтчилэн аялагч иргэдийн бие мах болоод сэтгэл санааг хохироож, улмаар бага насны хүүхэд болон настай иргэдийн бие сульдаж, ядарч, эхнээсээ бие нь өвдсөн байхад баяр наадмын үе таарсан, олон улсын гүйлгээ удсан хэмээн U travel компанийн захирал Х.Удвалцэцэг “арьсаа өмөөрч” тайлбарлаж суух аж. Өөрсдийгөө олон улсын зэрэглэлтэй, арав гаруй жилийн туршлагатай гэж онгирдог U travel /Ю трэйвэл/ компани энэ мэт аялагч иргэдийг хохироож, "хулхиддаг" байх нь.

Дээрх нөхцөл байдал 72 цагийн өмнө үүссэн байхад эрхэм захирал хатагтай үүнийг үл ойшоон, Их тэнгэрт хүлээн авалтад оролцон, татвар төлөгчдийн мөнгөөр “тансаглаж” суусан байх аж. Олон улсын гүйлгээ тодорхой хугацааны дараа хийгддэг гэдгийг захирал хатагтай Х.Удвалцэцэг мэдэж баймаар. Гэтэл өөрсдөө тансаглаж суух зуур тэнд 90 орчим Монгол Улсын иргэд гадаад паспортоо хураалган, 20 мянган долларын өрөнд орж, “БАРЬЦААЛАГДАВ”, иргэдийг бие муудаж “явах” дөхөв.  

Бидэнд ирсэн мэдээллээр 7-р сарын 13-наас 20-ны хооронд аялсан 60 гаруй аялагчид Монгол руу буцах боломжгүй болсон байна. Тодруулбал, Долоо хоног бүрийн лхагва гаригт үйлддэг нислэгээ Hunnu Air компани зогсоосон гэх бөгөөд аяллаар очсон 60 гаруй иргэд нислэггүй болж Aero Mongolia компанийн 4 дэх өдрийн нислэгээс суудал “ГУЙЖ” байгаа аж. Ийм л хариуцлагагүй, найдваргүй үйлчилгээг U travel компани үзүүлж байна.

Иргэд дурсамж бүтээж, амрах гэж гэр бүл, найз нөхдөөрөө аяладаг. Гэтэл U travel мэтийн “ХУЛХИ”-ны компаниас болж хохирч үлдэж байна. Аялагчид Ю трэйвэл компанид гомдол гаргаад байгаа бөгөөд цаашлаад хариуцсан Байгаль орчин, аялал жуулчлалын яам, ангилал, зэргийн гэрчилгээ олгодог Монголын Аялал жуулчлалын холбоонд гомдол гаргахаа мэдэгдлээ. 

Байгаль орчин, аялал жуулчлалын сайд Б.Бат-Эрдэнэ, Монголын Аялал жуулчлалын холбооны ерөнхийлөгч Д.Гантөмөр нараа энэ мэт хариуцлагагүй, чадваргүй, найдваргүй аяллын гэх U travel компанийн ангилал зэргийн гэрчилгээг цуцлаач. Олон иргэд хохирч дууслаа...

Монголын ч нэр хүнд гадны улсад унаж гүйцлээ.... 

Үргэлжлэл бий...

Төр.мн