Экс ерөнхийлөгчийн "бие хамгаалагч"-аар ажиллаж байгаад Булган аймгийн засаг даргаар томилогдсон Б.Ариун-Эрдэнэ “ЮМ ҮЗЭЭГҮЙ” эр бололтой.
Засаг дарга болмогцоо шинэ ланд-200 автомашинд тухлахыг хүсэж 210 сая төгрөгөөр тендер зарлаж 207 сая төгрөгөөр шинэ Land-200 автомашинаа өнгөрсөн жил авсан байдаг.
Хөгжил муутай, ядруухан аймгийн хөгжил, дэвшлийн төлөө ингэж 200, 200 саяар зардаггүй атлаа өөртөө зөөлөн суудал авахад гар татахгүй хүн аж. Тэгвэл тэрбээр 52 сая төгрөгөөр “ӨӨРИЙГӨӨ СУРТАЛЧЛУУЛНА” гэнэ. I pad, дрон, зургийн аппарат авахаар тендер зарлажээ.
Тендерийн материалыг 2022 оны наймдугаар сарын 11-ны өдөр хүлээн авахаар товлосон байна. Тендерт иж бүрэн Apple I pad /үзэг, гар/, Phantom 4 pro V2.0 дрон /нэмэлт функцтэй/, Canon 5D markiv зургийн аппарат авахаар техникийн тодорхойлолтод дурджээ.
Аймгийн төв нь сумаас ялгагдахгүй хөгжил муутай. Дэд бүтэцгүй, зам нь хуучирч, эвдэрсэн. Тэгвэл Булганы засаг дарга Б.Ариун-Эрдэнэ өөрийгөө их л “эрхлүүлдэг” бололтой. Өөртөө Ланд-200 “авч” өгнө, харин одоо өөрийг нь сурталчлах, гоё гаргах зургийн аппарат, дрон “авна” гэх. Бас иж бүрэн I pad хэрэглэхийг тэрбээр хүсэж.
Булган аймгийн Засаг дарга Б.Ариун-Эрдэнэ улсын төсвийн 3.8 тэрбум төгрөгөөр Айргийн өргөө барина гэж нэг хэсэг олны шүүмжлэлд өртөж байлаа. Үүнийг Их хурал, Засгийн газар эсэргүүцэн цуцалсан байдаг юм.
Харин энэ хойгуур өөртөө Ланд-200 авч амжсан эрхэм засаг дарга ял эдлэж байсан найзаа тус аймгийн Нөөцийн газрын даргаар томилж байсан юм. Түүнчлэн хууль бус томилгоог удаа дараа хийсээр байгаа аж.
Үргэлжлэл бий...
Төр.мн
Like
1
Зөв
1
4
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
