Соёлын яамны дэргэд Соёлын салбарын Залуучуудын хөгжлийн 14 зөвлөл ажилладаг ба салбарын залуус Нүүдэлчин дэлхийн соёлын фестивалийн Соёлын биет бус өвийн 7 ай савын хүрээнд "Соёлын өвөө үзэнгээ суралцъя" үйл ажиллагааг зохион байгууллаа.
Соёлын биет бус өвийг өвлөн уламжлагч залуус уламжлалт гар урлалын бүтээлээ ард олонд сурталчлан таниулахаас гадна сонирхсон хүүхдүүдэд уран хатгамал, зоосон ширээний сүлжмэл, эсгий ширмэл, Монгол зураг, уран бичлэг, хайчилбар зааж өгч байна.
Мөн Тайз дэлгэцийн урлагийн залуучуудын зөвлөлийн төлөөлөл "Рома" Хүүхэлдэйн театрын уран бүтээлчид хүүхэлдэйн жүжиг, бий биелгээгээр хүүхэд багачуудыг хөгжөөн баясгаж, Ардын язгуур урлагаа өвлөн уламжлагч залуус уртын дуу, цуур хөгжим, бий биелгээ толилуулав.
Нүүдэлчин Дэлхийн Соёлын Фестивальд хүрэлцэн ирснээр та бүхэн 21 аймаг, нийслэлийн соёлын бүтээлч үйлдвэрлэлийн үзэсгэлэн худалдааг үзэж сонирхохоос гадна уламжлалт гар урлал, хоол идээ ундаа нутаг нутгийн онцлог шингэсэн брэнд бүтээгдэхүүнээс худалдан авах боломжтой болсон юм..
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
