Израилийн парламент ням гарагт шинээр байгуулагдсан эвслийн засгийн газрын бүрэлдэхүүнийг олонхын саналаар дэмжсэнээр 12 жил засгийн эрх барьсан Биньямин Нетаньяхугийн эрин үе өндөрлөж байна.
Шинэ засгийн газрыг батлан хамгаалахын сайд асан барууны үзэлтэй улс төрч Нафтали Беннет тэргүүлэхээр боллоо. Тэрээр төвт намын тэргүүн Яир Лапидтай нэгдэж эвслийн засгийн газар байгуулсан. Парламентын сонгууль хүртэл эхний хоёр жил Беннет, дараагийн хоёр жил нь Лапид Ерөнхий сайдаар ажиллана гэж талууд тохиролцжээ.
Санал хураалт эхлэхээс өмнө Беннет Израилийг олон жил удирдсан Нетаньяхуд талархлаа илэрхийлсэн байна.
"Бидэнд санал зөрөлдөх үе байсан ч бид хоёул Израилийн сайн сайхны төлөө их зүйл золиосолсон" хэмээн Беннет Нетаньяху болон түүний эхнэр Сара хоёрт хандан хэлжээ.
Санал хураалтын өмнө Нетаньяху мөн парламентад үг хэлэхдээ Беннетийг "хуурамч барууны үзэлтэн" гэв. 71 настай Нетаньяху Израилд гуравдугаар сарын 23-нд болсон сонгуулийн дараа засгийн газраа бүрдүүлж чадаагүй байна. Тэрбээр шинэ засгийн газрыг "луйврын, аюултай эвсэл" хэмээн нэрлэж, удахгүй татан буулгахаа амлажээ.
Эх сурвалж: ВВС
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
