Өнгөрсөн хавраас хойш Үндсэн хуульд нэмэлт, өөрчлөлт оруулах асуудал яригдаж байгаа. Өчигдөр Үндсэн хуулийн цэцийн Их суудлын хуралдаан болж, 2019 онд Үндсэн хуульд тусгагдсан “Ерөнхий сайд болон Засгийн газрын дөрвөөс илүүгүй гишүүн УИХ-ын гишүүний албан тушаалыг хавсарч болно” гэсэн заалтыг хүчингүй болгож, 02 дугаар тогтоол гаргаад байна.
Энэ шийдвэрийн дагуу Ерөнхий сайд танхимын гишүүдийн хэн хэн нь “Давхар дээл”-тэй байх, хэн нь “Давхар дээл”-гүй байхыг шийдэх асуудлыг УИХ эргэн харахаар болж байгаа. Мөн Цэцээс гарсан 02 тогтоолын дагуу УИХ-ын гишүүдийн тоонд өөрчлөлт орох асуудал хөндөгдөх юм.
Гэвч хавраас хойш тэмцсэн улс төрийн намууд Үндсэн хуулийн нэмэлт, өөрчлөлт хийх санаачилгууд Цэцээс өчигдөр гарсан шийдвэртэй холбоотойгоор зогсох вий гэж болгоомжлоод эхэлжээ. “Үнэн ба Зөв" намын дарга А.Отгонбаатар өнөөдөр хэвлэлийн хурал хийж, УИХ-ын гишүүдэд залилуулахгүй гэдгээ мэдэгдлээ. УИХ Цэцээс гаргасан шийдвэрийг хэлэлцээд өнгөрөх юм байна. Улс төрийн намуудын хамтарч гаргасан тунхаглалын үнэ цэнэ буурах гэж байна. УИХ-д залилуулахгүйн тулд талбай дээр суулт зарлаж, нэг мөсөн Үндсэн хуулийн нэмэлт, өөрчлөлтийг хийхийг шаардана хэмээн мэдэгдэж байна.
Мөн энэ тэмцэлдээ Үндсэн хуулийн асуудлыг нарийн судалсан УИХ-ын гишүүн, ХҮН-ын дарга Т.Доржхандыг нэгдэхийг уриалж байна.
Бэлтгэсэн: Э.Төгөлдөр
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
