Жил бүрийн зургаадугаар сарын 14-ны өдөр тохиодог Цусны донорын Дэлхийн өдрийг “Цусаа бэлэглэж, цохилох зүрх бүхнийг аваръя” уриан дор 18 дахь удаагаа тэмдэглэн өнгөрүүллээ.
Өнөөдөр Цус сэлбэлт судлалын үндэсний төв цус, цусан бүтээгдэхүүнээ бэлэглэн эрдэнэт хүний амь аварсан Донорууд, хамт олныг алдаршууллаа.
Коронавируст (Ковид-19) халдвар цар тахлын улмаас тогтоосон удаа дараагийн хөл хорио, бүх нийтийн вакцинжуулалттай холбоотой үүссэн нөхцөл байдлын улмаас цусны донорын тоо буурч цус цусан бүтээгдэхүүний нөөц хомсдох эрсдэл үүссэн энэ үед тус төвийн зүгээс хариу арга хэмжээний төлөвлөгөөг боловсруулан хэрэгжүүлснээр хүн амын эрүүл мэндийг сахин хамгаалах үүргээ нэр төртэй биелүүлжээ.
Тэгвэл Цусны донорын талаарх мэдээллийг олон нийтэд түгээх, байнгын цусны донорын тоог нэмэгдүүлэх, хүн амын дунд цусны донорын үйлсийг сурталчлах, донорын эгнээг өргөжүүлэх үйлсэд оруулсан хувь нэмэрийг үнэлж Төр.сайтыг "ШИЛДЭГ ДОНОР СУРТАЛЧЛАГЧ ХЭВЛЭЛ МЭДЭЭЛЛИЙН БАЙГУУЛЛАГААР" өргөмжлөлөө.
Өргөмжлөлийг ЭМЯ-ны төрийн нарийн бичгийн дарга Ц.Эрдэнэбилэг, Цус сэлбэлт судлалын үндэсний төвийн ерөнхий захирал Н.Эрдэнэбаяр нар гардуулан, баяр хүргэж амжилт хүслээ.
Өнөөдрийн байдлаар Монгол улсад 160 мянга гаруй цусны донор бүртгэлтэй байгаагаас 36 мянга гаруй нь тогтмол хугацаанд цус, цусны бүрэлдэхүүн хэсгээ бэлэглэж байна. Улсын хэмжээнд 35 буюу түүнээс дээш удаа цусаа бэлэглэсэн нийт 2673 Хүндэт донор байна.
“ЦУСАА БЭЛЭГЛЭЖ, ЦОХИЛОХ ЗҮРХ БҮХНИЙГ АВАРЪЯ”
Like
2
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
