Улсын хэмжээнд эх, хүүхдэд төрөлжсөн нарийн мэргэжлийн тусламж үзүүлдэг ЭХЭМҮТ-д “Хүүхдэд тохиолдох ховор эмгэгийн оношилгоо, эмчилгээний асуудал” сэдэвт эрдэм шинжилгээний хурлыг анх удаа зохион байгууллаа. Энэхүү хуралд манай улсад бүртгэгдэж байсан Сиамын ихрүүдэд хийсэн задлан шинжилгээний тухай илтгэл хүмүүсийн сонирхлыг татаж байлаа. Сиами ихрүүдийн талаар гадны хэвлэлүүдэд гарсан мэдээллээс хүмүүс мэдэх болсон. Дэлхий дахины мэдээгээр залгаа ихэр 100 мянган амьд төрөлтөд нэг тохиолдох боловч нийт тохиолдлын 60 хувь нь ураг байхдаа амьгүй болдог. Тиймээс 200 мянган төрөлтөд нэг тохиолддог гэж үздэг байна. Монгол улсад 2010 онд энэ ховор тохиолдлын ургийг жирэмсний 35-36 долоо хоногтойд нь ЭХО-гоор оношилсон даруйдаа эмч нар зөвлөлдөн төрүүлэхээр шийдвэрлэсэн бөгөөд 3190 гр, эр хүйсийн ихэр төржээ. Нярайн биеийн байдал маш хүнд, бүтэлттэй байсан учир сэхээн амьдруулах арга хэмжээ авсан боловч үр дүнгүй болж, төрснөөс хойш 20 минутын дараа энджээ. Дашрамд хэлэхэд сиамын ихрүүд хоёр толгойтой, хоёр хөлтэй, нэг биетэй төрсөн ажээ. Эмч мэргэжилтнүүд сиамын ихрийн дотор эрхтэний задлан шинжилгээг хийсэн мэдээллээ мэргэжил нэгтнүүддээ дэлгэрэнгүй танилцуулав.
Like
0
Зөв
0
0
Буруу
1
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
