Монгол Улсын Гэр бүлийн тухай хууль 1999 оны зургаадугаар сарын 11-ний өдөр батлагдаж 1999 оны наймдугаар сарын 1-нээс мөрдөж эхэлсэн байдаг. Тус хуульд эмэгтэй хүмүүсийн гэрлэлт сайн дурынх байх, гэрлэгсэд тэгш эрхтэй байх, гэр бүлийн асуудлыг гэр бүлийн гишүүд харилцан тохиролцож, шийдвэрлэх, хариуцлагатай байх, хүүхдийг гэр бүлд нь өсгөн хүмүүжүүлэх, хүүхдийн ашиг сонирхлыг тэргүүн ээлжинд хамгаалах зарчмыг баримтлан тусгасан байдаг. Энэ хугацаанд тус хуульд долоон удаа нэмэлт өөрчлөлт оруулж байсан юм.
Өнөөдөр /2022.08.22/ Өрх толгойлсон өрх толгойлсон эцэг, эхчүүдийн төлөөллүүд Гэр бүлийн тухай хуулийн шинэчилсэн найруулгын төслийг нэн даруй батлахыг УИХ-ын гишүүдээс шаардлаа.
Тус шаардлагад:
1. Энэ оны тавдугаар сард эмэгтэй гишүүдийн санаачилсан орлого өндөртэй бол түүний 50 хувиар, багатай бол амьжиргааны баталгаажих төвшнөөр хүүхдийн тэтгэлгийг нас харгалзахгүй тогтоох,
2. Гэр бүл салахад нөлөөлсөн буруутныг тогтоож, хариуцлага тооцдог болох,
3. Хосууд гэрлэлтээ цуцлуулаагүй ч хоёр талд амьдарч байсан хугацаандаа гэрлэлт цуцлуулсны дараа нөхөн төлбөрийн тэтгэлгийг нөхөж олгох,
4. Эхнэр болон нөхрийн аль нэг нь гадаад руу гарч ажиллахаар болсон бол гэрлэлтийн гэрээ байгуулж, тэндээ очоод алга болбол Элчин сайдын яамаар дамжуулан хүүхдийн тэтгэлгийг гаргуулдаг болох,
5. Гэр бүл салахад эцэг эхийн эрх үүргийг хариуцлагатай болгож, хүүхэд асран хамгаалах эрх, үүргийн талаар гэрээ байгуулдаг болох,
6. Өрх толгойлсон ээжүүдийн төлөөллийг Гэр бүлийн тухай хуулийн шинэчилсэн найруулгын төслийн ажлын хэсэгт оролцуулж, ажиллуулахыг шаардаж байна" гэжээ.
Бэлтгэсэн: Х.Эрхэс
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
