Бүгд Найрамдах Монгол Ард Улсын Засгийн газар болон Холбооны Бүгд Найрамдах Герман Улсын Засгийн газар хооронд 1992 оны 1 дүгээр сарын 29-ний өдөр байгуулсан Техникийн хамтын ажиллагааны тухай хэлэлцээрийн дагуу Гео-шинжлэх ухаан, байгалийн нөөцийн хүрээлэн (BGR) нь Монгол Улын Геологи, уул уурхайн салбарт 1997 оноос эхлэн буцалтгүй тусламжийн төслүүдийг хэрэгжүүлж иржээ.
Хамтын ажиллагааны хүрээндBGR төсөл нь Ашигт малтмал, газрын тосны газартай хамтран 2018 оны 7 дугаар сараас 2022 оны 3 дугаар сарын 31-ний өдрийг дуустал “Монгол Улсын эрдэс баялгийн салбар дахь институцын болон боловсон хүчний чадавхийг хөгжүүлэх – II” төслийг амжилттай хэрэгжүүлсэн. Цаашдын хамтын ажиллагааны хүрээнд хоёр улсын Засгийн газар хоорондын 2020 оны Хөгжлийн бодлогын хамтын ажиллагааны хэлэлцээрийн дагуу “Эрдэс баялгийн удирдлагын зөвлөх үйлчилгээ” төслийг BGR болон УУХҮЯ, АМГТГ, ҮГА-тай хамтран 2 жилийн хугацаатай хэрэгжүүлэхээр тохиролцон баталгаажуулсан.
Энэхүү төслийг хэрэгжүүлэх гэрээнд талууд гарын үсэг зурж баталгаажуулсан бөгөөд үйл ажиллагаанд BGR төслийн Монгол болон Төв Азийн төслүүд хариуцсан ерөнхий зохицуулагч Текла Абель хүрэлцэн ирж УУХҮЯ-ны Төрийн нарийн бичгийн дарга Г.Нандинжаргал, АМГТГ-ын дарга Л.Баярмандал, ҮГА-ны дарга О.Чулуун нар “Эрдэс баялгийн удирдлагын зөвлөх үйлчилгээ” төслийн үйл ажиллагааны нарийвчилсан төлөвлөгөөг баталсан юм.
Тус төсөл нь Монгол Улсын Засгийн газраас баримталж буй уул уурхайн салбарыг ил тод, хариуцлагатай, тогтвортой болгон хөгжүүлэх бодлогод ихээхэн дэмжлэг үзүүлэх чухал ач холбогдолтой юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
