Хэдхэн хоногийн дараа суудлаасаа буух гэж буй Ерөнхийлөгч Х.Баттулга өнгөрсөн тавдугаар сарын 26-наас хойш өнөөдрийг хүртэл 20 хоног “тасралтгүй” шагнал гардууллаа.
Сүхбаатарын талбай олны хөлд дарагдаж, хөөр баяр болохын зэрэгцээ цар тахалтай энэ үед маск зүүсэн хүн өдрийн од мэт ховор харагдав.
Бие биедээ баяр хүргэж үнсэж, тэвэрч, хөтлөлцөнө. Нялх хүүхдээ дагуулсан иргэд төв талбай дээр олноор цугларчээ. Өнөөдөр шагналаар “бороо оруулах” ч маргааш халдвар аваад зарим нь эмнэлгийн хаалга татаж байна.
Цар тахалтай энэ үед төрийн шагналыг “ЦАЦАЖ” өгч буй Ерөнхийлөгч халдварыг улам дэгдээх, тараах эрсдлийг бий болгож байгаагаа мэдэж байгаа болов уу?
Ядаж байхад Төрийн шагналыг ҮНЭГҮЙДҮҮЛЖ орхилоо. Алтангадас одонг авдар авдраар нь тарааж орхилоо. Ордоны ойролцоо явж байгаад шагнуулчих юм биш биздээ гэж цахим орчинд "ТӨРИЙН ШАГНАЛААР “дайжигнаж” байна. Ийм л болтолоо төрийн шагналыг үнэгүйдүүлжээ.
Эрхэм төрийн тэргүүнд төрийн шагналын нэр хүнд, үнэ цэнэ хамаагүй байж болох ч эрдэнэт хүний амь нас эрүүл мэнд чухал шүү гэдгийг ЭРХЭМ ТАНД сануулья.
ТӨР.МН
Б.БАДАРЧ
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
