Манай улсын 2.1 сая иргэн гар утаснаасаа и-баримтаа бүртгүүлдэг. Цаашид зөвхөн системд бүртгүүлсэн баримтаас л азтан шалгаруулна. Ингэснээр таны сугалаанд хожих магадлал өсөх юм.
Боловсрол суваг телевизээр сугалааны тохирлыг шууд дамжуулж байсан бол цаашид Номин, И-март зэрэг томоохон худалдааны төвүүдэд олон нийтийн хяналт дор явуулах аж. Хэдий чинээ олон баримт уншуулна, тэр хэрээр сугалаанд хожих магадлал өснө. Манай улс 10 хувийн татвар аваад 2 хувийг нь иргэдэд буцаан олгодог. Манайхаас бага татвар авдаг 8 улс бий. НӨАТ-ын буцаалт олгодог ганц л улс байдаг нь Бразил. Гэхдээ Бразилын нэг л мужид буцаан олгодог.
Татварын ерөнхий газрын дарга Г.Заяабал дараах мэдээллийг өглөө:
-НӨАТ-ын баримтыг бид сар бүр бүртгэн дүгнэлт гаргадаг. Иргэд худалдан авсан барааны баримтаа бүртгүүлэхээс гадна бизнес эрхлэгчдийн хоорондоо хийдэг худалдааг ч судалдаг. Сүүлийн дөрвөн сард юу болсон бэ гэхээр и-баримтаа баталгаажуулах нь 50 хувиар буурсан. Ингэснээр НӨАТ-ын татвар буурч, иргэдийн баримтаа худалдагчаас нэхдэг хандлага ч суларсан. Иймд бид 50 хувь нь л баримтаа уншуулж буй дадал хэвшлийг өсгөх шаардлагатай. НӨАТ-ын сугалаа ихээхэн ач холбогдолтой байжээ.
Долдугаар сард НӨАТ-ын орлогын төлөвлөлт 95 хувиар буурсан. 2015 оны татварын хамрагдалтыг үзвэл НӨАТ 45 хувьтай байв. 2016 оны нэгдүгээр сарын 1-нээс НӨАТ-ын урамшуулал эхэлсэн. Үүнээс хойш 45 хувь өссөөр 70 хувьд хүрсэн байв. Хүн бүр хуулиа биелүүлдэг болгохын тулд сугалааг үргэлжлүүлэх нь зөв гэж үзсэн.
Манай улсын ДНБ 43 их наяд төгрөг. Бусад улстай харьцуулахад манай улсын НӨАТ-ын дарамт бага.
Манай улсад 15 мянган иргэн ногоо тарьдаг. Тэд ногоо худалдсан орлогоо и-баримтад бүртгүүлснээр урамшууллаа авна. 1 тонн тутамд 100 мянган төгрөгийн урамшуулал авна. Ноос, сүүний урамшууллыг мөн энэ аргаар авч болно.
НӨАТ бол ААН-үүдийн борлуулалтын орлогыг иргэдээр дамжуулан хянах зорилготой систем. Иймд та бүхэн баримтаа идэвхтэй бүртгүүлээрэй. Манай байцаагчид баримтаа өгөөгүй ААН-үүдэд очиж сануулга өгдөг, торгодог. Гурван удаа сануулга өгсний дараа торгодог. Эхний удаа торгодоггүй, анхааруулаад орхидог.
Торгуулсан ААН-үүдийн 30 хувь нь бид торгуулах ёсгүй байсан хэмээн шүүхэд хандсан. Иргэд худалдагчдаас баримтаа нэхэж авах нь их чухал. Ингэж шаардлага тавьснаар баримт олголт нэмэгдэнэ.
Сангийн яамны харьяа, Гааль, татвар албаны дарга Т.Батбилэг:
-Бид НӨАТ-аас гадна 30 орчим системийг хянан, өдөр тутмын үйл ажиллагааг нь хариуцан ажилладаг. Сүүлийн зургаан жилийн турш АТГ, цагдаа, тагнуулын албатай хамтран шалгалт хийж, хэн сугалаа хожиж байгааг хянасан юм.
НӨАТ-ын системийн инженерүүд өөрсдөө сугалаанд хожоод байна уу гэсэн олон нийтийн хардлагад хариулт өгөхийг зорьсон юм.
Ирэх сараас тохирлыг телевизээр биш аппликэйшнээр дамжуулна. Ингэснээр иргэд тохирлыг шууд үзнэ. Азтан болбол хүсэлтээ баталгаажуулна. Зарим хүн азтан болсноо 90 хоногийн дараа мэддэг гэв.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
