УИХ Үндсэн хуулийн цэцийн дүгнэлтийг хүлээж авснаар “давхар дээлт” буюу УИХ-ын гишүүн давхар сайдын үүргийг гүйцэтгэх боломжтой болсон. Тэгвэл Монгол улсын ерөнхий сайд Л.Оюун-Эрдэнэ Засгийн газрынхаа бүтцэд өөрчлөлт оруулж, сайдын тоог +20 давуулахаар төлөвлөж, дан дээлтэй 4 сайдыг авч үлдэхээр “ТОХИРОЛЦЖЭЭ”. УИХ-ын гишүүд, фракцынхан дан дээлтэй сайдын суудалд суух гэж “чичирч” эсэргүүцсэн гэх боловч Ерөнхий сайд 4 сайдаа авч үлдэхээр тохиролцож чадсан байна.
Одоо Засгийн газарт байгаа Гадаад харилцааны сайд Б.Батцэцэг, Батлан хамгаалахын сайд Г.Сайханбаяр, Соёлын сайд Ч.Номин нарыг үлдээхээр болж. Харин МАН-ын ерөнхий нарийн бичгийн дарга Д.Амарбаясгалангийн “хүн” гэх Хөдөлмөр, нийгмийн хамгааллын сайд А.Ариунзаяаг “явуулж” чадахгүй нь бололтой.
Ингээд энэ дөрвөн “ДАН ДЭЭЛТ” сайд нар үлдэхээр болж буй бол давхар дээлтэй 3-4 ч сайд үргэлжлүүлэн ажиллах аж. Хууль зүй дотоод хэргийн сайд Х.Нямбаатарыг ЗГХЭГ-ын даргаар, БШУ-ны сайд Л.Энх-Амгалан, Сангийн сайд Б.Жавхланг улирахаар болжээ. Харин үлдсэн сайд нарыг солих бөгөөд яамгүй 4 сайдын орон тоог нэмэхээр бүтцээ зурсан байна.
Тухайлбал, Тэргүүн шадар сайд, Хот хариуцсан сайд, Боомтын асуудал хариуцсан сайд, Худалдааны асуудал хариуцсан сайд нарыг нэмэхээр төлөвлөж.
Энэ албан тушаалыг нам, улс төрийн фракцуудаа "хувааж өгөх"-өөр ч болж. АН-д 1-2 сайдын суудал, ХҮН-д 1-2 суудал өгөхөөр яригджээ. Энэ асуудлаар өнгөрсөн амралтын өдрүүдэд намууд уулзалдаж, тохиролцсон аж.
Төр.мн
Б.Бадарч
Like
0
Зөв
1
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
