УИХ дахь Бие даагч гишүүн Н.Алтанхуяг АН-ыг бужигнуулж эхэллээ. Тодруулбал, Ерөнхийлөгчийн сонгуульд нэр дэвшигчид СЕХ-нд бичиг баримтаа хүргүүлэх хугацаа өнөөдөр дуусгавар болж буй. Үүнтэй холбоотойгоор АН хоёр талаас хоёр нэр дэвшигчийг бүртгүүлэхээр хандсан ч СЕХ “Асуудлаа дотооддоо шийд” хэмээн буцаасан. Харамсалтай нь үүнтэй холбоотойгоор Ерөнхийлөгч Х.Баттулгын талын гэх Н.Алтанхуяг нар СЕХ-нд суулт зарласан байдалтайгаар улс төрийн намын дотоод асуудлыг төрийн байгууллагад нялзааж сууна. Гэтэл үнэндээ ард иргэдийг бослого тэмцэлд уриалж буй Н.Алтанхуяг нь АН-аас хөөгдөөд багагүй хугацаа өнгөрсөн. Өөрөөр хэлбэл, тэр АН-д хамааралгүй атлаа Ерөнхийлөгчийн даалгавраар намын дотоод асуудалд оролцоод зогсохгүй бужигнуулж эхэлсэнд АН-ын жинхэнэ партизанууд эгдүүцлээ илэрхийлж эхлээд байна. Н.Алтанхуягийн тухайд 2019 онд АН-ын гишүүнчлэлээс хасагдсан байдаг.
Тодруулбал Сонгинохайрхан дүүргийн АН-аас өнгөрсөн сарын 30-нд лавлагаа гаргасан бөгөөд Сонгинохайрхан дүүргийн АН-ын дарга Г.Очирбат АН-ын дотоод сонгуулийн хороонд хандан
“Н.Алтанхуяг нь Сонгинохайрхан дүүргийн АН-ын хорооны гишүүдийн бүртгэлд байхгүй болохыг үүгээр мэдэгдэж байна” гэсэн албан баримт нь энэ юм.
.Алтанхуягийн хувьд ч намаас хөөгдсөнөө өөрөө баталгаажуулан, 2020 оны УИХ-ын сонгуульд Орхон аймагт бие даан нэр дэвшсэн билээ.
Гэсэн ч тэрбээр АН-аас албан ёсоор хасагдсан атлаа ийнхүү Ерөнхийлөгчийн сонгуулийн сургаар намын дотоод асуудалд оролцоод зогсохгүй "Өнөрбаяр аа, чамайг Монголын ард түмэн дүүжилнэ дээ" хэмээн УИХ-ын гишүүн хүнд баймгүй балмад үг хэллэг хэрэглэн, тамга тэмдэг бүхий АН-ын ерөнхий нарийн бичгийн дарга руу дайрч доромжилсон юм.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
