Цус сэлбэлт судлалын үндэсний төвийн санаачлагаар сайн дурын, авлагагүй, цусны донорын эгнээг өргөжүүлэх, цусны донорын үйлсийг сурталчлах, алдаршуулах, урамшуулах зорилготой сар бүрийн 3 “Цусаа бэлэглэх өдөр”-ийн 90 дэх удаагийн арга хэмжээг өнөөдөр “Улаанбаатар Смарт Карт” компанийн хамт олонтой 7 дах жилдээ хамтран зохион байгууллаа.
“Улаанбаатар Смарт Карт” компани нь үүсгэн байгуулагдсан цагаасаа хойш нийгмийн хариуцлагынхаа хүрээнд сайн дурын, авлагагүй цусны донорын эгнээг өргөжүүлэх, цусаа бэлэглэхийн ач холбогдлыг олон нийтэд сурталчлах, тогтмол хугацаанд цусаа бэлэглэдэг байнгын доноруудыг алдаршуулах чиглэлээр хамтран ажиллаж ирсэн.
Өнөөдрийн энэхүү арга хэмжээний үеэр хамтын ажиллагаагаа өргөжүүлж урт хугацаанд үр дүнтэй хамтран ажиллахаа илэрхийлж “Санамж бичиг” шинэчлэн байгууллаа.
90 дэх удаагийн арга хэмжээний үеэр 100 буюу түүнээс дээш удаа цус, цусны бүрэлдэхүүн хэсгээ бэлэглэсэн “Хүндэт донор Рэндоо-Очир овогтой Энхчимэг “МӨНГӨН ДОНОР” цол тэмдэг, 70 буюу түүнээс дээш удаа цус, цусны бүрэлдэхүүн хэсгээ бэлэглэсэн “Хүндэт донор” Ганхуяг овогтой Хаш-Эрдэнэ “ХҮРЭЛ ДОНОР” цол тэмдэг, Хүндэт донор Сумбазар овогтой Батсайхан “Бахархал 50”, М.Ариунболд, Ү.Мөнхзул ”Бахархал 40” тэмдэг, мөн цусны донор С.Буянхүү “Бахархал 30” Б.Даваажав ”Бахархал 20”, Г.Буяндэлгэр “Бахархал 10” тэмдгээр шагнагдлаа. Олон удаа цус, түүний бүрэлдэхүүн хэсгээ бэлэглэж бусдад амьдрал бэлэглэсэн эрхэм доноруудыг хамтран зохион байгуулагч Улаанбаатар Смарт Карт ХХК өөрийн бүтээгдэхүүний дээжээр шагнаж алдаршууллаа.
Хамтран ажилласан байгууллага, хамт олонд талархал илэрхийлье.
САЙН ҮЙЛС БҮХЭН ДЭЛГЭРЭХ БОЛТУГАЙ!
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
