Өмнөговийн онцгой комиссоос цар тахлын тархалт нэмэгдсэн шалтгаанаар 15 суманд бүхэлд нь хөл хорио тогтоосон талаар мэдээлж байсан. Монголын уул уурхайн гол бүс Өмнөговь аймагт өнгөрсөн баасан гарагт цар тахлаар өвчилсөн 12 тохиолдол гарчээ. Үүний дөрөв нь Цагаан хадны хилийн бүсэд илэрсэн байна. Ийнхүү өнгөрсөн тавдугаар сараас хойш өсөлттэй гарсан уул уурхайн экспортод сөргөөр нөлөөлөх боллоо. Энэ нь цар тахлын цохилтод ороод буй эдийн засагт муу үр дагавар авчрах магадлал өндөр боллоо. Цар тахал дэгдсэнээс хойш Хятадын тал нүүрс тээврийн автомашины татан авалтаа бууруулаад байгаа. Гашуунсухайтын боомтоор сүүлийн нэг сарын хугацаанд өдөрт дунджаар 160 гаруй автомашин нүүрс нэвтрүүлсэн байна. Тэгвэл өнгөрсөн оны мөн үед 500 орчим автомашин гардаг байжээ.Гашуунсухайт боомтод ажилладаг жолооч нар өдөрт 50-60 машин л гарч байгааг хэлж байсан. Монгол улс энэ жил уул уурхайн экспортын орлогоос нийтдээ 3,4 их наяд төгрөгийг төвлөрүүлэх төсөөлөлтэй байгаа. Уг нь энэ жил 10 жилийн давтамжтай эргэдэг уул уурхайн түүхий эдийн оргил үе буюу тавдугаар супер цикль эргэн ирж буй аж. Монгол улс нүүрс, зэсийн экспортдоо ухаалаг менежмент хийж чадвал хүнд байгаа эдийн засгаа авархад том дэм болно. Өмнө жил Хятадын Ухань хотод цар тахал дэгдсэнээс үүдэлтэйгээр Монгол улс хилээ хааж байсан бол энэ удаад Ганц модны боомт руу нэвтэрсэн нүүрс тээврийн жолоочоос халдвар илэрснээр хятадууд хилээ хааж өнгөрсөн баасан гарагаас Гашуунсухайт боомт сул зогсолт хийж байна. Нийт экспортын орлогын 90 хувийг бүрдүүлдэг уул уурхайн салбар гацаанд орсон гэж хэлж болохоор болчихлоо. Тиймээс Засгийн газарт одоо бүхий л боломжоороо уул уурхайн экспортоо хамгаалах гарц үлдээд байна. Өвчний тархалтыг эдийн засгийн гол бүс Өмнөговьд алдчихвал дэлхийн эдийн засаг сэргэсэн ч Монголд сэргэлт ирэхгүй. Харин ч гадаад хөрөнгө оруулалт саарч, түүхий эдийн орлого буурахад гол нөлөө үзүүлсээр байх болно.
Like
1
Зөв
0
0
Буруу
0
Воов
0
Уйтгартай
0
Дуртай
ugaasaa haa hamagui humuus ih mungu tuluud zambaraagaa aldsan shu de tsagdaa dotoodgui bagiin darag hurtel munguni tuluu humuus iheer oruulsanda munch ih.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
