Олон улсад амьтны сайн сайхан, аз жаргалтай байлгах тунхаг бичиг байдаг. Харин манай улсад амьтны тухай хууль байдаг ч зөвхөн ховордсон амьтан, зэрлэг амьтны тухай хууль байдаг бол гэрийн тэжээвэр амьтан, эзэнгүй амьтдын тухай хууль байдаггүй. Харин энэ тухай зохицуулалтыг “Азтай савар” ТББ 2020 оноос санаачлан, боловсруулж байгаа.
Тэгвэл өнөөдөр “Азтай савар" ТББ-аас “Амьтан үрчилж авах өдөрлөг” -ийг Монголд анх удаа зохион байгуулж байна.
“Азтай савар” ТББ-ын тэргүүн Г.Зориглон: Өнөөдрийн зохион байгуулж байгаа өдөрлөгийн гол зорилго бол эзэн олох хэцүү байдаг, үрчилж авсан ч дараа нь төрүүлдэг, орхидог, хаядаг учраас үүнийг бид зохион байгуулалттай болгох зорилготойгоор энэ өдөрлөгийг зохион байгуулж байна. Нохой үрчилж авахдаа гэрээ хийснээр хариуцлагыг өндөр болгодог. Өнөөдөр үрчлүүлэх нийт 30 амьтан байна.
Та тус өдөрлөгт хүрэлцэн ирээд:
• "Гэрийн Тэжээвэр Амьтны Тухай” хуулийн төсөлтэй танилцах, санал өгөх
• Амьтантайгаа хамт хөгжөөнт тэмцээнд оролцох
• Амьтдынхаа сарвуу, хоншоор зэргээр зураг зуруулж урьдчилж бэлдсэн цаас, эко тор, үүргэвч болон футболкон дээр буулгах
• Тусгай чимэглэсэн хэсэгт зургаа авхуулаад тэр дор нь хэвлүүлэн авах
• Хайртай амьтантайгаа танилцсан болон хамтдаа өнгөрүүлсэн дурсамжуудаа хуваалцах бусад азтай савруудын түүхтэй танилцах
• Үрчлүүлэх нохой, мууруудын тусгайлан бэлдсэн зураг, танилцуулгыг үзэхээс гадна “Азтай савар - Амьтанд Хайртай Залуус” фэйсбүүк группээс гэрийн тэжээвэр амьтан хэрхэн үрчилж авах, амьтан үрчилж авахад ямар шаардлага тавигддаг, бэлтгэх зүйлс зэрэг сэдвүүдийн талаар зөвлөгөө авах
• Азтай саврын нэрийн бүтээгдэхүүн болон хамтран ажиллагч байгууллагуудын борлуулдаг амьтны хэрэгсэл, хоол худалдан авах
• “Азтай савар - Амьтанд Хайртай Залуус” ТББ-д мөнгөн болон биет хандив өргөх
• Дуудлага худалдаанд оролцон “Азтай савар - Амьтанд Хайртай Залуус” ТББ-д хандив өргөх
• Халуун, хүйтэн кофе, цайгаар үйлчлүүлэх
• Дэмжигч байгууллагуудын асруудаар зочлох боломжтой.
Амьтанд хайртай хүн болгоныг тус өдөрлөгт хүрэлцэн ирэхийг урьж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
