Азийн архитекторчдын 21 дэхь чуулга уулзалт Улаанбаатар хотноо явагдаж, 2022.09.06-ны өдөр "Тогтвортой хот байгуулалтын ирээдүй" сэдэвт Азийн Архитектурын үзэсгэлэн Мишээл-Экспо төвд нээлтээ хийсэн.
Уг үзэсгэлэнгийн үеэр Хот байгуулалт хөгжлийн газар, Хот төлөвлөлт, судалгааны институт хамтран Улаанбаатар хотын өмнө тулгамдсан асуудлыг цогцоор нь шийдвэрлэх “Сонсголонт хот” шинэ төслийг иргэд олон нийтэд танилцуулж, байх үеэр “Олон Улсын архитекторуудын эвлэл”-ийн Ерөнхийлөгч ноён Хосе Луис Кортес ирж төсөлтэй танилцлаа.
Тэрбээр өөрөө хот төлөвлөгч мэргэжилтэй, онгоцны буудлын төлөвлөлтөөр мэргэшсэн Дэлхийн шилдэг архитекторуудын нэг юм.
Төслийг Нийслэлийн ерөнхий архитектор Н.Нацагдорж өөрөө танилцуулж дууссаны дараа ноён Хосе Луис Кортес сэтгэгдлээ хуваалцав.
1. Улаанбаатар хотод тулгамдсан олон асуудлуудыг шийдвэрлэхэд энэ төсөл маш чухал үүрэгтэй
2. Хотыг дахин шинэчлэх нь зардал багатай, үр өгөөж хамгийн ихтэй учир Дэлхийн том хотууд дахин төлөвлөлтийн шийдлийг сонгодог. Яагаад гэвэл шинэ суурьшил бий болгоход зардал өндөр гардаг учир хот доторхи ашиглалт муутай газрыг дахин шинэчлэн зохион байгуулж ашигласанаар томоохон хотуудад тулгамдаж байгаа асуудлуудыг хялбархан шийдвэрлэдэг.
3. Таны танилцуулж байгаа төсөл нь хот төлөвлөлтийн чиг хандлагыг үнэхээр чадварлагаар цогцоор нь шийдвэрлэхээр төлөвлөж чадсан байна. Тогтвортой, хүртээмжтэй, иргэдэд тохь тухтай, аюулгүй хот төлөвлөлтийн шаардлагыг хангасан төсөл байгаа нь сайшаалтай байна.
4. Хот төлөвлөлт гэдэг нь нэгээс хоёр жилийн дотор хийгддэг ажил биш, дор хаяж 20 жилийн хугацаа орно, ийм учраас энэ төслийг хэрэгжүүлэхийн тулд тууштай ажиллаж Улаанбаатар хотын тулгамдсан асуудлуудыг амжилттай шийдвэрлэж чадна гэж итгэж байна.
5. Улаанбаатар хотын ерөнхий архитекторын санаачилж боловсруулсан энэхүү Мега төсөл нь үнэхээр цаг үеэ олсон оновчтой шийдэл байна, цаашид хийж гүйцэтгэх маш их ажил байгаа харагдлаа. Хот төлөвлөгч хүний хувьд маш сайхан санагдлаа танд амжилт хүсье гэв.
“Олон Улсын архитекторуудын эвлэл”-ийн Ерөнхийлөгч ноён Хосе Луис Кортес, Улаанбаатар хотын Ерөнхий архитектор Нацагдоржтой ярилцсаны дараа, би Улаанбаатар хотод ирж шинэ хот дахин төлөвлөх төсөлтэй танилцаад буцсандаа баяртай байна, төлөвлөгч хүний хувьд зөвлөн туслахдаа тааламжтай байх болно гэдгээ илэрхийлжээ.
Like
1
Зөв
0
0
Буруу
0
Воов
0
Уйтгартай
0
Дуртай
Энэ новшийг зайлуулах болоогүймуу??Хотыг авто зогсоолгүй хүүхдийн тоглоомын талбайгүйгээр төлөвлөж өнөөдрийн байдалд хүргэсэн хүн бол яах аргагүй энэ нөхөр мөн.
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
