Монгол Улсын Шадар сайд С.Амарсайхан Австралийн Холбооны Улсад хийж буй айлчлалынхаа хүрээнд өнөөдөр /2022.09.15/ Австралийн Шадар сайд бөгөөд Батлан хамгаалахын сайд, Төлөөлөгчдийн танхимын гишүүн Ричард Марлзтай уулзаж, бүс нутаг, олон улсын харилцааны өнөөгийн нөхцөл байдлын талаар дэлгэрэнгүй санал солилцов.
Шадар сайд С.Амарсайхан Монгол Улсын Засгийн газар нь Австралийн Холбооны Улстай хөгжүүлж буй харилцаа, хамтын ажиллагаандаа тэргүүлэх ач холбогдол өгдгийг цохон тэмдэглэж, ирэх 50 жилд хоёр улсын харилцааны өнөөгийн түвшинг ахиулах тал дээр анхаарч ажиллаж буйг онцолсон юм.
Улмаар өндөр дээд түвшний харилцан айлчлалын давтамжийг нэмэгдүүлэх, боловсрол, уул уурхай, эрчим хүч, хөдөө аж ахуй, батлан хамгаалах, онцгой байдал зэрэг олон салбарт хоёр талын харилцаа, хамтын ажиллагааг идэвхжүүлэх, гүнзгийрүүлэн хөгжүүлэхэд Монгол Улсын Засгийн газар онцгой анхаарч байгааг мэдэгдэв.
Австралийн Шадар сайд Ричард Марлз Шадар сайд С.Амарсайханы дэвшүүлсэн санал, санаачилгатай санал нэгдмэл байгаагаа илэрхийлж, хоёр орны найрсаг харилцаа, хамтын ажиллагааг өргөжүүлэн хөгжүүлэх, ялангуяа уул уурхай, хөдөө аж ахуй, боловсролын салбар болон бүс нутаг, олон талт хамтын ажиллагааг өргөжүүлэн хөгжүүлэхийн төлөө идэвхтэй хамтран ажиллахад бэлэн байгаагаа илэрхийлсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
<p>teneg <!--filter:sda-->*<!--/filter--> mine an namtaigaa hol oichij zulbaarai</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p> </p>.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
