Эрүүл мэндийн яамнаас тарваган тахал өвчнөөс урьдчилан сэргийлэх, зөвлөмж мэдээлэл өглөө.
ЗӨСҮТ-өөс гаргасан тарваган тахлын байгалийн голомтын аюулын зэрэглэлээр 15 аймгийн 78 суманд хүний өвчлөл гарах эрсдэл өндөр байна гэж дүгнэсэн. Тарваган тахлын нутагшмал голомттой газруудаар дайран өнгөрөх гадаад дотоодын жуулчид халдварт өртөх эрсдэл өндөр. Иргэд тарвагыг хууль бусаар худалдаалах, хүнсэнд хэрэглэх хот суурин газар тээвэрлэх явдал тасралтгүй гарсаар байна.
ЗӨСҮТ-ийн ерөнхий захирал Н.Цогбадрах:
-2022 он гарсаар Баян-Өлгий, Увс, Ховд аймгуудаас тарваган тахлын нян илрүүлсэн. Тарваган тахал өвчний хяналт сэргийлэлтийн арга хэмжээг эрчимжүүлэхийг ЭМ-ийн сайд аймгийн эрүүл мэндийн төвүүдэд албан даалгавар хүргүүлсэн. Нийтдээ 17 аймгийн 137 сумыг тарваган тахлын голомттой бүс нутаг гэж үздэг. Эрүүл мэндийн байгууллага сэжигтэй тохиолдол болон ямар нэгэн байдлаар өвчилсөн тохиолдлуудыг тусгаарлан эмчлэх бэлэн байдлаа хангах асуудлаар тус тус чиглэл өгсөн.
Ховд аймгийн Мөст суманд хавхаар тарвага агнаж, махыг нь чанаж идсэн 29 настай иргэн нас барсан байна. Биеийн байдал хүнд, замын унаагаар Ховд аймгийн төв рүү орж ирсэн. Шинжилгээ хийснээр хариу эерэг гарсан. Онош батлагдаад эмчилгээ эхэлсний дараа тухайн өвчтөн өөрийн амиа егүүтгэсэн хэрэг гарлаа. Шүүх цагдаагийн байгууллага уг хэргийг шалгаад явж байгаа" гэлээ.
-Хяналт шалгалтаар нийтдээ 827 ширхэг тарваганы махыг нийслэл хот руу оруулах гэж байхад нь хураагаад байна.
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
