ЭМЯ-ны дэмжлэгтэйгээр ЭХЭМҮТ-ийн үйлчилгээнд Олон Улсын жишигт нийцсэн харилцаа, хандлагын стандарт нэвтрүүлэх зорилготой “ЭХ ХҮҮХДИЙН ЭРҮҮЛ МЭНДИЙН ҮНДЭСНИЙ ТӨВИЙН ХАРИЛЦАГЧИЙН ҮЙЛЧИЛГЭЭГ САЙЖРУУЛАХ” төслийг хэрэгжүүлж дууслаа.
2021 оны 10 дугаар сард эхлүүлсэн уг төсөл бүтэн жил хэрэгжсэн бөгөөд төслийг ЭХЭМҮТ-ийн Ерөнхий захирал Ш.Алтантуяагийн дэвшүүлсэн “Хамтдаа Эерэг, Халамжтай, Эелдэг, Мэдрэмжтэй, Үндэсний Төв болох” уриан дор, өдөр тутмын үйл ажиллагаандаа эерэг харилцааг бий болгох зорилготойгоор хэрэгжүүлсэн юм.
Төслийн хүрээнд үйлчлүүлэгчдийн судалгаанд үндэслэн ЭХЭМҮТ-ийн хэмжээнд баримтлах харилцагчийн үйлчилгээний стандартыг шинээр боловсруулан гаргасан бөгөөд тус стандарт нь ЭХЭМҮТ-д иргэдээс ирдэг түгээмэл 13 төрлийн гомдол, саналыг шийдвэрлэхэд чиглэж боловсруулагдсан. Стандартыг биелүүлж ажиллахад чиглэсэн сургалтыг нийт ажилтнуудад 40 гаруй цаг зохион байгууллаа.
Мөн иргэд өөрийн биеэр ирэлгүй зайнаас авч болох үйлчилгээний талаарх түгээмэл 70 орчим мэдээллийг FAQ загварын хүрээнд нийгмийн сүлжээнд түгээж, иргэдэд чирэгдэл учруулахгүй байхад чиглэсэн компанит ажлыг зохион байгуулсан байна.
Төсөл хэрэгжих хугацаанд эмч, ажилтны харилцаа хандлагыг зөв зохистой болгох сургалтуудыг зохион байгуулж, үүнд тус төвийн нийт 976 эмч, эмнэлэгийн мэргэжилтэн, ажилчид хамрагджээ.
Мөн төслийн хүрээнд зарласан болзолт уралдааныг ЭХЭМҮТ-ийн Эх барих эмэгтэйчүүдийн эмнлэгийн хамт олон тэргүүлж, батламж мөнгөн шагналаар шагнууллаа.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
