Хүнс, хөдөө аж ахуй, хөнгөн үйлдвэрийн сайд Х.Болорчулуун Франц улсад айлчлах үеэрээ Парис хотод төвтэй Дэлхийн мал, амьтны эрүүл мэндийн байгууллагын удирдлагуудтай уулзлаа. Уулзалтын үеэр Монгол Улсын баруун, зүүн, хойд бүсэд “малын өвчингүй, тусгаарласан эрүүл бүс” байгуулах төлөвлөгөөтэй байгаагаа Хүнс, хөдөө аж ахуй, хөнгөн үйлдвэрийн сайд Х.Болорчулуун танилцуулав.
Дэлхийн мал, амьтны эрүүл мэндийн байгууллагын орлогч захирал Arroyo Кuribrena "мэргэжлийн хүн Хүнс, хөдөө аж ахуй, хөнгөн үйлдвэрийн сайд болсонд баяртай байгааг" онцлоод “Монгол Улс 1989 онд Дэлхийн мал, амьтны эрүүл мэндийн байгууллагын гишүүн болсон.
Энэ хугацаанд яригдаж байсан хамтын ажиллагааны саналууд дундаас таны ярьж буй энэхүү бодлого, зорилго бол гол асуудал руу чиглэсэн, хамгийн сэтгэлд үлдэхээр, тодорхой санал байна” хэмээгээд дэмжиж байгаагаа илэрхийлэв. Мөн тэрбээр “Монгол Улс бидний зөвлөмжийн дагуу хамгийн эхэнд Мал, амьтны эрүүл мэндийн тухай хуультай болсон. Түүнчлэн шүлхий өвчнийг хянадаг хөтөлбөрийг хэрэгжүүлэгч орон гэдэг статусыг авч чадсан болохыг онцлон тэмдэглэсэн юм.
Хүнс, хөдөө аж ахуйн, хөнгөн үйлдвэрийн сайд Х.Болорчулуун тусгаарлагдсан бүс байгуулахад Дэлхийн мал, амьтны эрүүл мэндийн байгууллагаас холбогдох мэргэжлийн хүнийг урьж, зөвлөмж авч хамтран ажиллах саналтай байгаагаа илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
